प्रदेश सदस्य चौधरीसे योजना अनुगमन
सुधराम दहित
जोशीपुर, ३० असार । सुदूरपश्चिम प्रदेश सभा सदस्य कृष्ण बहादुर चौधरी टमान योजना अनुगमन करले बाटै ।
प्रदेश पूर्वाधार क्षेत्र विकास कोषसे विनियोजित योजनाके प्रदेश सदस्य चौधरी अनुगमन करल हुइट । उहाँ भजनी नगरपालिका ६ नवलपुरके क्लव भवन, नवलपुरके चर्च आश्रम भवन, खैरा गाँउके क्लव भवन, नवलपुरसे बहादुरपुर जोड्ना सडक स्तरोन्नती अवलोकन, भजनी ८ जनकपुरसे गैरी नालासम सडक अवलोकन, जोशीपुर गाउँपालिका ४ वाँणी मन्दिर पर्खाल अनुगमन करल हुइट ।
ओस्टके पिपरकोटीसे बसहा जोर्ना डगर, राष्ट्रिय मा.वि. जोशीपुर १ लकडमण्डी विद्यालयके घेरवार, भजनी ६ बसाहा गाउँके सामुदायिक भवन, जोशीपुर ३ लक्कड छोटेलाल स्मृति प्रा.वि. विद्यालयके पर्खाल तथा गेट, मोहन्याल मा.वि. जोशीपुर बडहरिया, जोशीपुर २ मुद्धि क्लबके भवन, दुर्गा नि.मा.वि. जोशीपुर २ गढीके अवलोकन करल हुइट ।
योजना सम्पन्न तथा नाइ हुइल ओ नयाँ योजनाके लाग अवलोकन करल प्रदेश सदस्य चौधरी बटैलै । प्रदेश पूर्वाधारके क्षेत्र विकास कोषसे विनियोजित योजना पूर्ण रुपमे सम्पन्न हुइले प्रदेश सदस्य चौधरीके स्वकीय सचिव अनिल कुमार कठरिया बटैलै ।
