अवैध भुरुवा बन्दुकसहित एक पक्राउ

डडेल्धुरा, ३० असार । जिल्लाके भित्रीमधेशमे अवैध बन्दुकसहित एक जने पक्राउ परल बाटै । सोम्मारके रात प्रहरीसे जिल्लाके आलिताल गाउँपालिका–६ फल्याखर्कके ४६ वर्षीय लालबहादुर कुँवरहे अवैध भुरुवा बन्दुकसहित पक्राउ करल हो ।

विशेष सूचनाके आधारमे प्रहरी चौकी आलितालके टोलीसे एक नाले भरुवा बन्दुक, १७ थान सिसाके गोली ओ ९ ग्राम बारुद नुकाके राखल अवस्थामे कुँवरहे पक्राउ करल जिल्ला प्रहरी कार्यालयके प्रहरी नायव उपरीक्षक दधिराम न्यौपाने जानकारी डेलै ।

पक्राउ परल कुँवरउपर हातहतियार खरखजाना कसुरमे मुद्दा दर्ता कैके अनुसन्धान हुइटी रहल प्रहरी जनैले बा । जिल्ला अदालत डडेल्धुरासे २० दिनके म्याद थप अनुमति लेके अनुसन्धान कार्य जारी रहल डीएसपी न्यौपाने बटैलै ।