सासंद प्रेम आलेहे कारबाहीके माग
पहुरा समाचारदाता
धनगढी, ३१ असार । सार्वजनिक लेखा समितिसे गठन करल उपसमितिके सदस्य एवं सांसद प्रेम आलेहे कारबाही कैना कैलालीके सामुदायिक वन उपभोक्ता समूहसे माग करले बाटै ।
वैज्ञानिक वन व्यवस्थापनमे हुइल अनियमतिता छानबिन कैना गठित उक्त उपसमितिके सदस्य आलेहे कारवाहीके माग करल हो । डिभिजन वन कार्यालय पहलमानपुर मातहतके २९ ओ धनगढी डिभिजन अन्तरगतके ३९ सामुदायिक वनसे संयुक्त रुपमे प्रमुख जिल्ला अधिकारी मार्फत प्रधानमन्त्रीहे बुधके ज्ञापन पत्र बुझैटी सांसद आलेहे कारबाहीके माग करल हुइट ।
सांसद आले स्थलगत अध्ययनके क्रममे वनके पदाधिकारीहे धम्कैना ओ मानमर्दन हुइना मेरके अपशब्द बोलल् कारबाहीके माग करल हो । उहाँहुक्रे लौव उपसिमिति बनाके छानबिन कैना समेत माग करले बाटै ।
उपसमितिसे घूससहित पक्राउ परल डोटीके पूर्व सहायक वन अधिकृत सुरेशचन्द्र डिसीहे विज्ञके रुपमे प्रयोग करल उपसमितिसे निष्पक्ष छानबिन करे नाइ सेक्ना ज्ञापन पत्रमे उल्लेख बा ।
