थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

सुदूरपश्चिममे ठप २१ जनहनमे कोरोना संक्रमण पुष्टि

पहुरा | ३१ असार २०७७, बुधबार
सुदूरपश्चिममे ठप २१ जनहनमे कोरोना संक्रमण पुष्टि

पहुरा समाचारदाता
धनगढी, ३१ असार ।
पछिल्का २४ घण्टामे सुदूरपश्चिममे ठप २१ जनहनमे कोरोना संक्रमण पुष्टि हुइल बा ।

बुधके रोज धनगढीस्थित सेती प्रादेशिक अस्पतालमे रहल प्रयोगशालामे करल परीक्षणमे थप १९ जाने ओ डडेल्धुरा अस्पतालके प्रयोगशालामे कैगिल परिक्षणमे दुई जाने करके २१ जनहनमे कोरोना पुष्टि हुइल हो ।

सेती प्रादेशिक अस्पतालमे रहल प्रयोगशालामे करल परिक्षणसे ठपल संक्रमितमे कञ्चनपुरके बेदकोट नगरपालिकाका एक महिला ओ १० पुरुष करके ११ जाने, कैलालीके टीकापुर नगरपालिका वडा नम्वर १ के चार महिला, अछामके चौरपाटी गाउँपालिका वडा नम्वर ५ के दुई महिला ओ अछामके साँफेवगर नगरपालिका वडा नम्वर ११ के दुई पुरुष रहल सेती प्रादेशिक अस्पतालसे जारी प्रेश विज्ञप्तीमे उल्लेख बा ।

पछिल्का २४ घण्टामे सेती अस्पतालके प्रयोगशालामे दुई सय ३६ जानेक कोरोना परीक्षण हुइलमे १९ जनहनमे संक्रमण पुष्टि हुइल सेती प्रादेशिक अस्पतालके सूचना अधिकारी दिलिपकुमार श्रेष्ठ बटैलै ।

ओस्टेक डडेल्धुरा अस्पतालके प्रयोगशालामे कैगिल परिक्षणमे एक महिला एक पुरुषमे संक्रमण पुष्टि हुइल रहे । सुदूरपश्चिममे १६ सय १० जाने संक्रमिट ठिक हुके घर लौटसेकल बाटै कलेसे बुधके रोज १४ जाने डिस्चार्ज हुइल बाटै ।

जनाअवजको टिप्पणीहरू