थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १७ अगहन २६४६, शनिच्चर ]
[ वि.सं १७ मंसिर २०७९, शनिबार ]
[ 03 Dec 2022, Saturday ]

सुदूरपश्चिममे आज थप २२ जहनमे कोरोना पुष्टि, संक्रमितके संख्या ४ हजार पुगल

पहुरा | १ श्रावण २०७७, बिहीबार
सुदूरपश्चिममे आज थप २२ जहनमे कोरोना पुष्टि, संक्रमितके संख्या ४ हजार पुगल

पहुरा समाचारदाता
धनगढी, १ सावन ।
सुदूरपश्चिम प्रदेशमे आज थप २२ जहनमे कोरोना पुष्टि हुइल बा । सेती प्रादेशिक अस्पतालमे रहल प्रयोगशालामे करल परीक्षणमे १४ जाने ओ डडेल्धुरा अस्पतालके प्रयोगशालामे ८ जाने कैके २२ जहनमे कोरोना पुष्टि हुइल हो ।

स्वास्थ्य तथा जनसंख्या मन्त्रालयके प्रवक्ता डाक्टर जागेश्वर गौतमके अनुसार डडेल्धुरा प्रयोगशालामे करल परीक्षणमे डडेल्धुराके८ जहनमे संक्रमण पुष्टि हुइल बा ।

अस्टेक सेती प्रादेशिक अस्पतालमे करल परीक्षणमे थप १४ जहनमे कोरोना पुष्टि हुइल बा । अस्पतालके सूचना अधिकारी दिलिपकुमार श्रेष्ठके अनुसार ८ पुरुष ओ ६ महिलासहित १४ जहनमे कोरोना पुष्टि हुइल बा ।

कैलालीके कैलारी गाउँपालिका–४ के २ महिला ओ २ पुुरुष, कैलालीके गोदावरी नगरपालिका २ पुरुष ओ १ महिला, धनगढी उपमहानगरपालिका–१८ के १ पुरुष ओ १ महिला, टीकापुर नगरपालिका–१ के १ पुरुषमे कोरोना पुष्टि हुइल सूचना अधिकारी श्रेष्ठ बटैलै ।

कञ्चनपुरके बेलकोट नगरपालिकाके १ महिला ओ १ पुरुष, भिमदत्त नगरपालिका–४ के १ पुरुष ओ बझाङके खप्तडछान्ना गाउँपालिका–६ के १ महिलामे कोरोना पुष्टि हुइल उहाँ बटैलै । उहाँक अनुसार पछिल्का २४ घण्टामे सेती अस्पतालके प्रयोगशालामे १ सय ६९ जहनके कोरोना परीक्षण हुइल बा ।

२२ जाने कोरोना संक्रमित थपलसंगे सुदूरपश्चिममे संक्रमितके संख्या ४ हजार पुगल बा । स्वास्थ्य तथा जनसंख्या मन्त्रालयके अनुसार सबसे ढेर कैलालीमे ९ सय ४१, अछाममे ६ सय ४५, बाजुरामे ६ सय १६, डोटीमे ५ सय ७८, कञ्चनपुरमे ४ सय ६२, डडेल्धुरामे २ सय ९२, बैतडीमे २ सय ७६, बझाङमे १ सय ७० ओ दार्चुलामे २० जहनमे कोरोना पुष्टि हुइल बा ।

संक्रमितमध्ये १ हजार ६ सय १५ जाने डिस्चार्ज हुसेकल बाटै कलेसे ८ जहनके मृत्यु हुइल बा ।

जनाअवजको टिप्पणीहरू