थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

सुदूरपश्चिममे ९ जेने कोरोना संक्रमित थप्लै

पहुरा | २ श्रावण २०७७, शुक्रबार
सुदूरपश्चिममे ९ जेने कोरोना संक्रमित थप्लै

पहुरा समाचारदाता
धनगढी, २ साउन ।
सुदूरपश्चिममे शुकके रोज ९ जहनमे कोरोना संक्रमण पुष्टि हुइल बा । धनगढी प्रयोगशालामे ६ ओ डडेल्धुरा प्रयोगशालामे ३ कैके ९ जहनमे कोरोना पुष्टि हुइल हो ।

डडेल्धुरा प्रयोगशालामे हुइल परीक्षणमे डडेल्धुरा, बझाङ ओ डोटीके १/१ जहनमे कोरोना पुष्टि हुइल स्वास्थ्य तथा जनसंख्या मन्त्रालयके प्रवक्ता डाक्टर जागेश्वर गौतम बटैलै । यहाँ सेती प्रादेशिक अस्पतालके प्रयोगशालमे हुइल परीक्षणमे १ महिला ओ पाँच पुरुष कैके ६ जहनमे कोरोना पुष्टि हुइल बा ।

धनगढी उपमहानगरपालिका वडा नम्बर १५ के १०, १९ ओ २५ वर्षिय पुरुषमे कोरोना पुष्टि हुइल सेती प्रादेशिक अस्पतालके सूचना अधिकारी दिलिपकुमार श्रेष्ठ बटैलै । उहाँक् अनुसार धनगढी उपमहानगरपालिका वडा नम्वर १४ के दुई वर्षिय बालक ओ २५ वर्षिय महिलामे कोरोना पुष्टि हुइल बा ।

अस्टेक धनगढी उपमहानगरपालिका वडा नम्बर ३ के २६ वर्षिय पुरुषमे फेन कोरोना पुष्टि हुइल बा । यीसँगे सुदूरपश्चिममे संक्रमितके संख्या ४ हजार ९ पुगल बा ।

स्वास्थ्य तथा जनसंख्या मन्त्रालयके अनुसार सबसे ढेर कैलालीमे ९ सय ४७, अछाममे ६ सय ४५, बाजुरामे ६ सय १६, डोटीमे पाँच सय ७९, कञ्चनपुरमे ४ सय ६२, डडेल्धुरामे २ सय ९३, बैतडीमे २ सय ७६, बझाङमे १ सय ७१ ओ दार्चुलामे २० जहनमे कोरोना पुष्टि हुइल बा ।

जनाअवजको टिप्पणीहरू