थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

जोशीपुरमे विपन्नहे राहत

पहुरा | २ श्रावण २०७७, शुक्रबार
जोशीपुरमे विपन्नहे राहत

पहुरा समाचारदाता
जोशीपुर, २ सावन ।
कैलालीके जोशीपुर गाउँपालिका अन्र्तगत विपन्न वर्गहे राहत वितरण करल बा ।

सामाजिक अभियान नामक समुहसे विपन्न वर्गहे राहत वितरण करल हो । गाउँपालिकाके अति विपन्न, असहाय, अपाङ्ग, ओ निम्न आय रहल परिवारहे खाद्यान्न वितरण करल बा । उहाँहुक्रनहे चाउर, दाल, नुन, तेल, साबुन वितरण करल सामाजिक अभियान नामक अभियानके प्रमुख सुनिल बहादुर भुल बटैलै ।

उ अभियानसे स्थानिय सरकारहे फेन झकझक्याइना काम फेन करटी रहल प्रमुख भुल बटैलै । अब्बे जोशीपुर गाउँपालिका भिट्टरके विपन्न वर्गहे खाद्यान्न सहयोग करटी रहल बाटी उहाँ कहलै, कौनो मनकारी मनहुक्रनके साथ सहयोग जुटी कलेसे आउर विपन्न वर्गहे राहत वितरण करबी । टमान व्यक्तिहुक्रनके सहयोग मार्फत सामाजिक अभियान नामक अभियान समुहसे राहत वितरण करटी रहल उहे अभियानमे आबद्ध खेमराज जोशी बटैलैे ।

असार २६ गतेसे अभियान सुरु करल जनाइल बा । अब्बेसम चार घर परिवारहे राहत वितरण कर जोशी बटैलै । विश्वव्यापी महामारी कोरोना भाइरसके कारण काम करे नाइ पाइल दैनिक ज्यालादारी मजदुर तथा विपन्न वर्ग राहत पाइलपाछे खुशी हुइल बाटै ।

जनाअवजको टिप्पणीहरू