‘ग्याङ’ फइटमे संलग्न २ पक्राउ

पहुरा समाचारदाता
धनगढी, ३ सावन । धनगढी उप–महानगरपालिका–१३ राजपुरमे हुइल ‘ग्याङ’ फाइटमे संलग्न होके खुकुरी प्रहार करुइया दुई जनहनह्े प्रहरी पक्राउ करले बा ।

पक्राउ परुइयामे धनगढी–३ के २२ बर्षे सन्नी नेपाली ओ वडा नम्बर–२ के दिपेन्द्र भण्डारी रहल प्रवक्ता प्रहरी नायब उपरिक्षक प्रतिक विष्ट बटैलै ।

उहाँहुक्रे राजपुरके स्थानीय निरज भट्ट ओ गणेश धामीहे धारिलो हतियार प्रहार कैके घाहिल बनाइल रहिट । उहाँहुक्रनठनसे एक थान खुकुरी ओ तरबार फेन बरामद करल प्रहरी जनैले बा । उहाँ दुनु जाने यिहीसे आघे फेन टमान अपराधिक कृयाकलापमे संलग्न रहल पाइल बा । घटनामे संलग्न अन्य व्यक्ति फेन हुइ सेक्ना आशंका करल कहटी उहाँहुक्रनके खोजिकार्य हुइटी रहल प्रहरी जनैले बा ।