सूर्य नेपालसे प्रदेश सरकारहे १ करोड हस्तान्तरण
पहुरा समाचारदाता
धनगढी, ३ सावन । सूर्य नेपाल प्रालि सुदूरपश्चिम प्रदेश सरकारहे १ करोड सहयोग रकम हस्तान्तरण कर्ले बा ।
कोरोना भाइरस (कोभिड १९) नियन्त्रण तथा उपचार कोषके लाग सूर्य नेपाल प्रदेश सरकारहे उ सहयोग रकम हस्तान्तरण करल हो । सूर्य नेपालके क्षेत्रीय प्रबन्धक दामोदर शर्मा, न्यू शिव ट्रेडर्सके धर्मानन्द मिश्र, रवीन्द्र ट्रेडर्स महेन्द्रनगरके गजराज पाण्डेलगायतके टोली शनिच्चरके रोज मुख्यमन्त्री त्रिलोचन भट्टहे उ रकम हस्तान्तरण करल रहे ।
आपन सामाजिक उत्तरदायित्व अन्तर्गत प्रदेश सरकारहे उ रकम हस्तान्तरण करल सूर्य नेपालके क्षेत्रीय प्रबन्धक शर्मा जानकारी डेलै ।
प्रदेश सरकार कोरोना भाइरस (कोभिड १९) नियन्त्रण तथा उपचार कोष अभियानमे सहयोगके लाग निजी क्षेत्रहे आह्वान करल रहे । अभियान अन्तर्गत निजी क्षेत्रसे प्रदेश सरकारहे सहयोग हुइटी आइल बा ।
सहयोगी दाताहे धन्यवाद ज्ञापन करटी मुख्यमन्त्री भट्ट कोभिड १९ नियन्त्रण तथा उपचार कोष अभियान अन्तर्गत निजी क्षेत्रसे हालसम सबसे बरवार रकम प्राप्त हुइल बटैलै ।
