थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

थारु पत्रकार संघहे प्रेस ज्याकेट सहयोग

पहुरा | ४ श्रावण २०७७, आईतवार
थारु पत्रकार संघहे प्रेस ज्याकेट सहयोग

पहुरा समाचारदाता
दाङ, ४ सावन ।
ग्रामीण महिला उत्थान केन्द्रके अध्यक्ष आशमानी चौधरी थारु पत्रकार संघहे १५ हजार मुल्य बराबरके प्रेस ज्याकेट सहयोग करले बाटी ।

चौधरी अपन जन्मदिनके अवसर पारके विपद्के समयमे फ्रन्टलाइनमे काम कैना सञ्चारकर्मीहुकनहे प्रेस ज्याकेट सहयोग करल हुइट । चौधरी अपन जन्मदिनके अवसर पारके सहयोग करल ज्याकेट अँटवारके रोज एक कार्यक्रमके आयोजना करके थारु पत्रकार संघके केन्दीय अध्यक्ष सन्तोष दहितहे हस्तान्तरण करल हुइट ।

प्रेस ज्याकेट हस्तान्तरण करटी चौधरीसे विपदके समयमे फ्रन्टलाइनमे खटके काम कैना सञ्चारकर्मीहुकनहे सहयोग करेपाके अपनहे खुशी लागल बटैली । ‘मै अपन कुछ दिन पहिले परल जन्मदिनके अवसरमे प्रेस ज्याकेट सहयोग कैना प्रतिवद्धता करले रहु केन्द्रके अध्यक्ष चौधरी कहली । ‘प्रेस ज्याकेट बाहेरसे मगाइबेर ढिलाई हुइल रहे, आपुगलपाछे आज (अँटवार) हस्तान्तरण करे पाके खुशी लागल बा । उहाँ सहयोगहे अइना दिनम समेत निरन्तरता डेना बटैली ।

थारु पत्रकार संघके केन्दीय अध्यक्ष सन्तोष दहित कोरोना भाइरसके संकटके समयमे पत्रकारहे प्रेस ज्याकेट सहयोग करलमे ग्रामीण महिला उत्थान केन्द्रके अध्यक्षहे धन्यावाद डेले रहिट । उहाँक अनुसार चौधरी ५० पिस ज्याकेट सहयोग करल रहिट । कार्यक्रमके सहजीकरण थारु पत्रकार संघ दाङके अध्यक्ष नविन चौधरी करले रहिट । यी आघे थारु पत्रकार संघहे थारु कल्याणकारिणीसभाके केन्द्रीय सदस्य चुर्ण चौधरीसेफे प्रेस ज्याकेट सहयोग करले रहिट ।

जनाअवजको टिप्पणीहरू