थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २८ सावन २६४६, शनिच्चर ]
[ वि.सं २८ श्रावण २०७९, शनिबार ]
[ 13 Aug 2022, Saturday ]

सुदूरपश्चिममे थप ४१ जनहनमे कोरोना पुष्टि

पहुरा | ५ श्रावण २०७७, सोमबार
सुदूरपश्चिममे थप ४१ जनहनमे कोरोना पुष्टि

धनगढी, ५ सावन । सुदूरपश्चिममे आज ४१ जनहनमे कोरोना पुष्टि हुइल बा । स्वास्थ्य तथा जनसंख्या मन्त्रालयके अनुसार डडेल्धुरा ओ धनगढीमे हुइल परीक्षणमे ४१ जनहनमे कोरोना पुष्टि हुइल हो ।

मन्त्रालयके प्रवक्ता डाक्टर जागेश्वर गौतम डडेल्धुरामे हुइल परीक्षणमे डोटीके ४० जनहनमे संक्रमण पुष्टि हुइल बटैलै । डोटीके शिखर नगरपालिकाका क्वारेन्टाईनमे रहल ४० जनहनमे कोरोना संक्रमण पुष्टि हुइल हो ।

अस्टेक सेती प्रादेशिक अस्पतालमे हुइल परीक्षणमे भर १ जाने किल संक्रमण पुष्टि हुइल बा । प्रादेशिक अस्पतालके सूचना अधिकारी दिलिपकुमार श्रेष्ठ कैलालीके गौरीगंगा नगरपालिका वडा नम्बर ५ के १५ बर्षिया बालिकामे कोरोना पुष्टि हुइल बटैलै ।

आज ४१ जानेमे संक्रमण पुष्टि हुइलसंगे सुदूरपश्चिम प्रदेशमे संक्रमितके संख्या ४ हजार ९५ पुगल स्वास्थ्य तथा जनसंख्या मन्त्रालयके प्रवक्ता डाक्टर गौतम बटैलै । संक्रमण पुष्टि हुइल १ हजार ६ सय ७९ जने चोखाके घर लौटल बाटै कलेसे ८ जनहनके मृत्यु हुइल बा ।

स्वास्थ्य तथा जनसंख्या मन्त्रालयके अनुसार अभिनसम सबसे ढेर कैलालीके ९ सय ७९ जनहनमे संक्रमण पुष्टि हुइल बा । अस्टेक, अछाममे ६ सय ४५, डोटीकमे ६ सय २६, बाजुरामे ६ सय १६ जनहनमे संक्रमण पुष्टि हुइल मन्त्रालय जनैले बा । कञ्चनपुरके ४ सय ६३, डडेल्धुराके २ सय ९७, बैतडीके २ सय ७६, बझाङके १ सय ७३ ओ दार्चुलाके २० जनहनमे संक्रमण पुष्टि हुइल बा ।

सम्बन्धित समाचार

बैतडीके सक्कु कोरोना संक्रमित डिस्चार्ज

जनाअवजको टिप्पणीहरू