थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

बैतडीके सक्कु कोरोना संक्रमित डिस्चार्ज

पहुरा | ५ श्रावण २०७७, सोमबार
बैतडीके सक्कु कोरोना संक्रमित डिस्चार्ज

बैतडी, ५ सावन । बैतडीके सक्कु कोरोना संक्रमित व्यक्ति घर गैल बाटै । २९७ जने कोरोना संक्रमितमध्ये सक्कु जाने घर जासेकल स्वास्थ्य कार्यालयके कोभिड १९ सम्पर्क व्यक्ति भुवनप्रसाद जोशी जानकारी डेलै ।

१४ दिन ढिउर क्वारेन्टाइनमे बैठल उहाँहुक्रनमे कौनो फेन लक्षण नाइ डेखल ओरसे सामान्य चेक जाँचपाछे घर पठाइल उहाँ बटैलै । उहाँ कहलै, ‘डब्लुएचओके अनुसार अब्बे कौनो फेन लक्षण नाइ डेखल ब्यक्तिमे १० दिनपाछे भाइरस पुर्णरुपमे निस्किय हुइना हुइल ओरसे कोरोनाके संक्रमण पुष्टि हुइल दिनसे १४ दिन क्वारेन्टाइनमे राखके घर पठैना करल बा, हमार जिल्लामे १४ दिन किल नाइ होके कुछ व्यक्ति ३०–३५ दिनसम समेत क्वारेन्टाइनमे बैठके घर पठाइल बा ।’ ‘उहाँहुक्रनसे औरे व्यक्तिमे सर्ना जोखिम कम हुइ ओ उहाँहुक्रे घरमे समेत सुरक्षित होके बैठल खबर आइल बा ।

काल्हपरौंसम २१ जने संक्रमितहरु टमान स्थानीय तहके क्वारेन्टाइन ओ आइसोलेसनमे बैठल रहिट आज सक्कु डिस्चार्ज होसेकल बाटै’ उहाँ कहलै ।

’बैतडी जिल्लाके कौनो फेन संक्रमितहुक्रनमे लक्षण डेखल नाइहो । नेपाल सरकारसे जारी करल निर्देशिका अनुसार नै लक्षण नाइ रहल संक्रमितहुक्रनहे घर पठाइल स्वास्थ्य कार्यालय जनैले बा ।
बैतडीमे अब्बे भारतसे आइल ५ सय १० जने टमान स्थानिय तहके क्वारेन्टाइनमे बैठल बाटै । बैतडीमे अब्बे थप ब्यक्तिमे कोरोनाके संक्रमण डेखल नाइहो । बैतडीके कोरोना संक्रमितमे सबसे ढिउर पञ्चेश्वर गाउँपालिकामे ६० जने संक्रमित रहल बाटै ।

ओस्टके शिवनाथ गाउँपालिकाके ५०, दोगडाकेदार गाउँपालिकाके ४३, सिगास गाउँपालिकाके ४०, दशरथचन्द नगरपालिकाके ३४, मेलौली नगरपालिकाके २७, सुर्नया गाउँपालिकाके १४, पाटन नगरपालिकाके १४, पुर्चौंडी नगरपालिकाके ८ ओ डिलाशैनी गाउँपालिकाके ७ जनहनमे संक्रमण पुष्टि हुइल बा ।

सम्बन्धित समाचार

सुदूरपश्चिममे थप ४१ जनहनमे कोरोना पुष्टि

जनाअवजको टिप्पणीहरू