थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

गाउँपालिकाहे खाद्यान्न ओ स्वास्थ्य सामग्री हस्तान्तरण

पहुरा | ५ श्रावण २०७७, सोमबार
गाउँपालिकाहे खाद्यान्न ओ स्वास्थ्य सामग्री हस्तान्तरण

पहुरा समाचारदाता
हसुलिया, ५ असार ।
कोरोना भाइरस रोकथाम ओ नियन्त्रण अभियान अन्तर्गत कैलारी गाउँपालिकाहे टमान संघ संस्थाहुक्रे सहयोग कैना क्रम जारी रहल बा ।

उहे क्रममे सोम्मार कमैया प्रथा उन्मूलन समाज कैलाली ओ कारितास नेपालसे गाउँपालिकाहे खाद्यान्न, स्वास्थ्य सामग्री सहयोग करले बाटी । कमैया प्रथा उन्मूलन समाजसे अपाङता हुइल व्यक्ति ओ क्वारेन्टाइनमे रहल व्यक्तिहुकनके लाग खाद्यान्न सहयोग करल हो ।

उ संस्थासे ७२ क्वीन्टल २५ किलोग्राम मोटा चाउर, ५९२ किलो दाल, २७६ किलो नोन, ३५ लिटर खैना तेल ओ ५९२ ठो साबुन सहयोग करल हो । कमैया प्रथा उन्मूलन समाजके कार्यक्रम संयोजक सुरज परियार गाउँपालिकाके उपाध्यक्ष लक्ष्मी सत्गौंवाहे खाद्य सामग्री हस्तान्तरण करलै ।

ओस्टेक करके, कारितास नेपालसे क्वारेन्टाइन ओ आइसोलन व्यवस्थापनमे सहयोग पुगैना उद्देश्यसे स्वास्थ्य सामग्री सहयोग करले बा । उ संस्थाके प्राविधिक तुलाराम डङगौरा सोम्मारके रोज कैलारी गाउँपालिकाके उपाध्यक्ष सत्गौंवाहे उ सामग्री हस्तान्तरण करलै ।

कारिताससे व्यक्तिगत सुरक्षा पोशाक (पीपीई) १० थान, सेनिटाइजर १६ बोतल, केएन ९५ मास्क २० थान, थर्मोगन दुई थान ओ पञ्जा ३०० जोडा हस्तान्तरण करल गाउँपालिकाके कर्मचारी रविन्द्रकुमार चौधरी जानकारी डेलै ।

सहयोग सामग्री हस्तान्तरणके क्रममे गाउँपालिकाके स्वास्थ्य शाखा प्रमुख विरेन्द्र सापकोटा, योजना शाखा प्रमुख सन्तोषकुमार चौधरी लगायतके उपस्थिति रहल रहे ।

जनाअवजको टिप्पणीहरू