थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

यातायात कार्यालय स्थापनाके लाग संघर्ष समिति गठन

पहुरा | ६ श्रावण २०७७, मंगलवार
यातायात कार्यालय स्थापनाके लाग संघर्ष समिति गठन

पहुरा समाचारदाता
बौनिया, ६ सावन ।
कैलालीके बर्दगोरिया गाउँपालिकामे यातायात व्यवस्था कार्यालय स्थापनार्थ संघर्ष समिति गठन करल बा ।

जिल्लाके पूर्वी क्षेत्रमे यातायात व्यवस्था कार्यालयके सेवा बिस्तारके माग उठलसंगे उ कार्यालय बर्दगोरिया गाउँपालिके बौनियाँमे स्थापनाके लाग दबाब डेना संघर्ष समिति गठन करल हो ।

बर्दगोरिया युवा समाजके आयोजनामे मंगरके सकारे सडकपुर बौनिया बजारमे हुइल एक विशेष कार्यक्रमसे प्रमोद साउँद (क्षेत्री) के संयोजकत्वमे २३ सदस्यीय समिति गठन करल हो ।

गाउँपालिकाके सक्कु जनप्रतिनिधि, स्थानीय राजनीतिक दल, समाजसेवी युवा लगायतके उपस्थितिमे हुइल कार्यक्रमसे बौनियामे यातायात कार्यलय स्थापनाके लाग दबाब सृजना कैना उ समिति गठन करल हो । समितिमे गाउँपालिकाके सक्कु वडाके युवाहुक्रनहे सदस्य ओ जनप्रतिनिधिहे सल्लाहकारमे राखल बा ।

समितिसे जिल्लामे यातायात कार्यलय बौनियामे स्थापनाके लाग लविङ तथा परामर्श कैना जनाइल बा । जिल्लाके पूर्बी भागके मध्यकेन्द्र रहल यी बर्दगोरिया गाउँपालिका सेती लोकमार्गके पहिलो शहरी क्षेत्रके रूपमे रहल बा कलेसे प्रदेश लोकमार्ग, लालभोझी छोटी भन्सारसंग जोरल क्षेत्र तथा गोदावरी पाछेक दुसरा बरवार बर्दगोरिया धाम तथा पर्यकटीय क्षेत्र रहल ओरसे फेन बौनियाँमे यातायातके कार्यालय राख्न उपयुक्त रहना जनस्तरसे जनप्रतिनिधिके साझा धारणा रहल बा ।

ओस्टके घोडाघोडी नगरपालिकामे ईलाका प्रशासन, लम्कीचुहा नगरपालिकामे नेपाल टेलिकम ओ करदाता कार्यलय स्थापना होसेकल ओरसे फेन बर्दगोरियाके विकासके लाग ओ संघीयताके सहि सदुपयोगके लाग यातायात कार्यालय स्थापना हुइ पर्ना माग उठल बा ।

जनाअवजको टिप्पणीहरू