कैलालीमे आठ जे कोरोना संक्रमिट ठप्लै

पहुरा समाचारदाता
धनगढी, ९ सावन । कैलाली जिल्लाके दुई स्थानीय तहमे शुकके रोज आठ जाने कोरोना संक्रमिटके ठपल बाटै ।

सेती प्रादेशिक अस्पतालके प्रयोगशालामे कैगिल परिक्षणमे जानकी गाउँपालिकामे तीन ओ टीकापुर नगरपालिकामे ६ जाने कोरोना संक्रमिट ठपल हुइट । एक सय ४९ जनहनमे करल परिक्षणमे आठ जाने संक्रमिट ठपल सेती प्रादेशिक अस्पतालके सूचना अधिकारी दिलिप श्रेष्ठ जनैलै ।

ठपल संक्रमिटमे जानकी गाउँपालिका वडा नम्बर ३ के एक महिला, एक पुरुष, टीकापुर नगरपालिका वडा नम्बर १ के एक जाने पुरुष, वडा नम्बर ३ के दुई जाने पुरुष ओ वडा नम्बर ४ के तीन जाने पुरुष रहल सूचना अधिकारी श्रेष्ठ बटैलै ।