थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

असहाय विद्यार्थीहे शैक्षिक सामग्री

पहुरा | ९ श्रावण २०७७, शुक्रबार
असहाय विद्यार्थीहे शैक्षिक सामग्री

पहुरा समाचारदाता
सुखड, ९ सावन ।
अनाथ तथा असहाय विद्यार्थीहुक्रनहे शैक्षिक सामग्री वितरण करल बा ।

घोडाघोडी नगरपालिका भिट्टर रहल सामुदायिक विद्यालयमे अध्ययन करुइया १ सय ७५ जने असहाय विद्यार्थीहुक्रनहे झोला, विद्यालय पोशाक, कापी, कलम, ज्यामिती बक्स सहित प्रति विद्यार्थी २ हजार ६ सय रुपैयाँके दरसे शैक्षिक सामग्री वितरण करल शिक्षा शाखा प्रमुख उमेशराज रेग्मी जानकारी डेलै ।

डाइबाबा गुमाइल ओ अध्ययनमे समस्या हुुइल बालबालिकाहे नगरपालिकासे अभिभावकत्व ग्रहण कैके शैक्षिक सामग्री वितरण करल हो । अइना दिनमे फेन यी मेरके कार्यक्रमहे थप व्यवस्थित करटी आघे बह्रना नगर प्रमुख ममताप्रसाद चौधरी बटैलै ।

आर्थिक अभावमे शैक्षिक सामाग्रीके जोहो कैना समस्या हुइटी रहल अवस्थामे नगरपालिकासे यी मेरके सहयोगसे आपनहे सहजता हुइल विद्यार्थीहुक्रे बटैले बाटै ।

जनाअवजको टिप्पणीहरू