थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

विद्यालय भवन उद्घाटन तथा हस्तान्तरण कार्यक्रम

पहुरा | १० श्रावण २०७७, शनिबार
विद्यालय भवन उद्घाटन तथा हस्तान्तरण कार्यक्रम

पहुरा समाचारदाता
लम्की, १० सावन ।
कैलाली जिल्लाके लम्कीचुहा नगरपालिका तिलकपुरमे रहल जनप्रभात माविके लौवा बनल विद्यालय भवनके उद्घाटन तथा हस्तान्तरण कार्यक्रम हुइल बा ।

दिगो उद्यम तथा वातावरण विकास कार्यके लाग सचेतना केन्द्र (सेवक नेपाल) कैलाली तथा गुड नेवर्स इन्टरनेशनल नेपालके साझेदारीमे सञ्चालित सामुदायिक विकास परियोजनासे लम्कीचुहा नगरपालिकाके समन्वय ओ जनप्रभात माध्यमिक विद्यालयके सहकार्यमे होप स्कूल परियोजना अन्तर्गत बनल लौव भवनके उद्घाटन तथा हस्तान्तरण कैगिल हो ।

६५ लाख ९४ हजार ७ सय १३ रुप्या बराबरके लागतमे बनल उ भवन २०७६ पुुस १४ गते निर्माण सम्पन्न हुइल सेवक नेपालके शिक्षा विकास अधिकृत प्रेम चौधरी बटैलै ।

नवर्निर्मित भवनके उद्घाटन लम्कीचुहा नगरपालिकाके उपप्रमुख टिका थापा करले रही । उहे विच विद्यालयके प्रअ राना भण्डारी ओ विद्यालय व्यवस्थापन अध्यक्ष रमेश रावलहे नवर्निर्मित विद्यालय भवन हस्तान्तरणके प्रमाणपत्र डेगिल रहे । उहे विच जनप्रभात माध्यमिक विद्यालयहे ४ लाख रुप्या बराबरके कम्प्यूटर ल्यापफे सहयोग करल सेवक नेपालके शिक्षा विकास अधिकृत प्रेम चौधरी बटैलै ।

जनाअवजको टिप्पणीहरू