थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

प्रदेश सभा सदस्य चौधरीसे लडिया कटान तथा डुबान क्षेत्रके अनुगमन

पहुरा | १० श्रावण २०७७, शनिबार
प्रदेश सभा सदस्य चौधरीसे लडिया कटान तथा डुबान क्षेत्रके अनुगमन

सुधराम दहित
जोशीपुर, १० साउन ।
सुदूरपश्चिम प्रदेश सभा सदस्य कृष्णबहादुर चौधरी जोशीपुर गाउँपालिका भिट्ट रहल टमान स्थानके अनुगमन तथा अवलोकन करले बाटै । प्रदेश सभा सदस्य चौधरी आ.व. २०७६/०७७ के योजना अनुगमन तथा लडिया कटान, डुवान क्षेत्र, सडक, विद्यालय, सामुदायिक भवन, मन्दिर, कृषि क्षेत्र लगायतके अनुगमन करल हुइट ।

उहाँ जोशीपुर गाउँपालिका वडा नं. ३ लक्कड, फाँडिया, भितरिया, बन्जरीया, वडा नं. २ अन्र्तगत घुसरी, गढी, मुद्धी, वडा नं. ६ पकरीयाके अनुगमन करले बाटै । ओस्टके वडा नं. ७ के लोहागढ, जोशीपुर ५ के सिमराना लगायत गाउँठाउँके अनुगमन करल रहिट ।

अनुगमनके क्रममे प्रदेश सभा सदस्य चौधरी आ.व. ०७७/०७८ के लाग सम्भावित तथा वास्तविक आवश्यकता रहल स्थान पहिचान कैके विकासके लाग आवश्यक बजेट विनियोजित कैना बटाइल रहिट । जोशीपुर गाउँपालिकाके सबसे डुवान क्षेत्र मानजैना जोशीपुर ३ के भितरिया, फाँडिया ओ लक्कड वर्षेनी लडियाके बाढ आके डुवान परल रहठ् ।

प्रत्येक बरस यी क्षेत्रके स्थानीय धनजनके नोक्सानी व्यहोरे परठ् । यहाँके स्थानीय वर्षेनी स्थानिय सरकार तथा प्रदेश सरकार समक्ष डुबान तथा पटान समस्याके दिर्घकालिन समाधानके लाग गुहार मंग्ले रहठै । मने यी क्षेत्रके लाग न्यून बजेट विनियोजित कैके समस्याहे टर्ना किल करल स्थानियके गुनासो रहल बा ।

स्थानीयहुक्रनके समस्याहे मध्य नजर करटी प्रदेश सभा सदस्य चौधरी आ.व. २०७६/०७७ मे प्रदेशसे १० लाख तत्वन्धके लाग बजेट विनियोनित करल रहिट । ओ काम सम्मन्न हुइल फेन जानकारी करागिल रहे । यकर साथे उहाँ बन्जरियासे भितरियासमके काँढा लडियामे तत्बन्ध कैना ढिउर बजेट चाहना हुइल ओरसे ओकर लाग स्थानिय सरकार, प्रदेश सरकार ओ संघिय सरकार बिचके समन्वय हुइना आवश्यक रहल बटैलै ।

ओस्टके शिक्षा क्षेत्र अन्र्तगत शान्ति प्रावि भितरिया, मुक्तकमैया आधारभूत विद्यालय रामनगर ओ नवदुर्गा निमावि गढीके फेन अनुगमन करले बाटै । यी क्षेत्रके बालबालिका आभिन फेन शिक्षासे बञ्चित रहल ओ शिक्षकहुक्रे फेन न्यून तलबमे सेवा डेहलमे चिन्ता व्यक्त करल रहिट । अनुगमनमे प्रदेश सभा सदस्यके स्वकीय सचिव अनिल कुमार कठरिया ओ स्थानिय वुद्धिजिवी समाजसेवी लगायतके सहभागिता रहल रहे ।

जनाअवजको टिप्पणीहरू