पश्चिमा थारुहुक्रे गुरही अस्रैलै

पहुरा समाचारदाता
धनगढी, १० सावन । पश्चिमा थारुहुक्रे शनिच्चरके रोज गुरही अस्रैले बाटै । गुरही अस्रैलेसे गाउँघरसे रहल रोगव्याधी हटठ कना मान्यताके साथ पश्चिमा थारुहुक्रे गुरही अस्राइल हुइट ।

धनगढी उपमहानगरपालिका वडा नम्बर ८ के गुरही चोकमे आघेक बरस सामुहिक गुरही अस्रागिलेसेफे यी साल कोभिड–१९ के कारण भव्य कार्यक्रम नइकरके १०/१२ जे थारु लउण्डी, लउण्डा सहभागीहुके गुरही अस्रैले बाटै । मने गाउँघरमे भर सामुहिक गुरही पर्व मनैले बाटै ।
कैलारी गाउँपालिका वडा नम्बर ५ बैजपुरमे सामुहिक गुरही अस्रागिल प्रबिन बौखही बटैलै ।

ओस्टेक जानकी गाउँपालिकामे औपचारिक कार्यक्रम करके गुरही अस्रागिल बा, कलेसे पश्चिम नेपालके थारु बासोबास रहल सक्कु गाउँघरमे सामुहिक गुरही अस्रागिल बा ।