सुदूरपश्चिममे १७ जाने संक्रमिट ठप्लै

पहुरा समाचारदाता
धनगढी,११ सावन । सुदूरपश्चिम प्रदेशमे १७ जाने कोरोना संक्रमिट ठपल बाटै । सेती प्रादेशिक अस्पतालमे करल परीक्षणमे १७ जाने कोरोना संक्रमण पुष्टी हुइल हो । अँटवारके रोज ३ सय ४६ जनहनमे करल परिक्षणमे १७ जनहनमे कोरोना संक्रमण भेटल सेती प्रादेशिक अस्पतालके सूचना अधिकारी दिलिप श्रेष्ठ जनैलै ।

ठपल संक्रमिट बाजुरा छेडेडह खप्तड–१ के दुई महिला ओ वडा नम्बर ६ के एक पुरुष, अछाम पञ्चदेवल विनायकके एक महिला १३ पुरुषमे कोरोना संक्रमण पुष्टि हुइल हो । सेती प्रादेशिक अस्पतालमे हालसम १५ हजार आठ सय ६६ जानेक पिसिआर विधिसे परिक्षण करलमे १४ हजार ६ सय ५० जानेक रिपोर्ट निगेटिभ ओ १२ सय १६ जानेक रिपोर्ट पोजेटिभ आइल सूचना अधिकारी श्रेष्ठ बटैलै ।