थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]
‘ सुदूरपश्चिम प्रदेशमे फेर कोरोना संक्रमण बह्रटी ’

९७ जाने लौवा संक्रमिट ठप्लै

पहुरा | १३ श्रावण २०७७, मंगलवार
९७ जाने लौवा संक्रमिट ठप्लै

पहुरा समाचारदाता
धनगढी, १३ सावन ।
सुदूरपश्चिम प्रदेशमे फेरसे कोरोना संक्रमिट बह्रे लागल बाटै । सेती प्रादेशिक अस्पतालके प्रयोगशाला ओ डडेल्धुरा अस्पपतालके प्रयोगशालामे मंगरके रोज कैगिल परिक्षणमे सुदूरपश्चिममे ९७ जाने कोरोना संक्रमिट ठपल बाटै ।

सेती प्रादेशिक अस्पतालके प्रयोगशालामे कैगिल परिक्षणमे डोटीके २३ जाने, कैलालीके १८ जाने, अछामके १६ जाने, कञ्चनपुर ओ दार्चुलाके १/१ जाने जनहनमे कोरोना संक्रमण पुष्टि हुइल सेती प्रादेशिक अस्पतालके सूचना अधिकारी दिलिपकुमार श्रेष्ठ बटैलै । कोरोना पुष्टि हुइलमे डोटी सायलके सात महिनाके एक जाने लउण्डी लर्का फे रहल बाटै । ओस्टेक सायलके उहाँ लगायत १९ जाने, डोटी आर्दश–७ के चार जनहनमे कोरोना पुष्टि हुइल सूचना अधिकारी श्रेष्ठ जानकारी डेलै ।

ओस्टेक करके कैलालीके गोदावरी नगरपालिकाके ७ महिला ११ पुरुष ओ कञ्चनपुर बेलौरी–९ के एक महिला, अछामके १६ जाने, दार्चुलाके १ जाने रहल बाटै ।

ओस्टेक डडेल्धुरा डडेल्धुरा अस्पपतालके प्रयोगशालामे कैगिल परिक्षणमे डोटीके ३५ जाने ओ बझाङके ३ जाने रहल बाटै । सुदूरपश्चिममे मंगरके रोज सबसे ढेर डोटीके ५८ जनहनमे कोरोना संक्रमण पुष्टि हुइल बा ।

सेती प्रादेशिक अस्पतालके प्रयोगशालामे १६ हजार १ सय ९७ जानेक पीसिआर जाँच कैगिलमे १४ हजार ९ सय २२ जानेक रिपोर्ट निगेटिभ ओ १२ सय ७५ जानेक पोजेटिभ रिपोर्ट आइल सेती प्रादेशिक अस्पतालके सूचना अधिकारी श्रेष्ठ बटैलै ।

मंगरके रोज नेपाल भर ३११ जनहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार संक्रमितके संख्या १९ हजार ६३ पुगल बा । ५ हजार ३२ जनहनमे परीक्षण करेबेर ३११ जनहनमे संक्रमण भेटल मन्त्रालयके प्रवक्ता डा. जागेश्वर गौतम बटैलै ।

जनाअवजको टिप्पणीहरू