सामी परियोजनासे वित्तिय साक्षरता कक्षा संचालन कैना
पहुरा समाचारदाता
सुखड, १८ सावन । कैलालीके घोडाघोडी नगरपालिका अन्तर्गत सुरक्षित आप्रवासन कार्यक्रम (सामी) हेल्भेटास स्वीस ईन्टरकोपरेशन नेपालके सेवा प्रदायक संस्था ट्रेस नेपाल वित्तिय सारक्षरता कक्षा संचालन कैना हुइल बा ।
वैदेशिक रोजगारमे रहल व्यक्तिहुक्रनके परिवारके लाग वित्तिय साक्षरता ओ मनोसामाजिक परामर्श कक्षा संचालन करे लागल जनाइल बा । वित्तिय साक्षरता कक्षा वडा नं. १, २, ४ ओ ९ मे लागु हुइ लाग वित्तीय साक्षरता सहजकर्ता विष्णुप्रसाद चौधरी जानकारी डेलै । उहाँहुक्रनके समुह गठन कैके कक्षा संचालन कैना परियोजना जनैले बा ।
बैदेशिक रोजगाीमे गैल परिवारके सदस्यहे गरिवी तथा समृद्धिके अवधारणासे सुसूचित करैना, वित्तिय सारक्षरताके ज्ञान तथा सीप प्रदान कैके पारिवारिक बजेट,आम्दानी तथा खर्च व्यवस्थापन करे लगाके बचत वृद्धि प्रबद्र्धन कैना रहल बा ।
यकर साथे उपलब्धि वित्तिय स्रोत, साधन ओ प्रविधिहे समुचित परिचालन कैके आयमुलक क्षेत्रमे लगानी प्रबर्धन कैके दिर्घकालिन समृद्धि ओर उम्मुख कैना, बैदैशिक रोजगारमे गैल परिवारके सदस्यहुक्रनहे आपन परिवार व्यवस्थापन करटी बैदेशिक रोजगारीसे सृजना कैना मनोसामाजिक समस्या समाधान कैना सहयोग मिल्ना बटाइल बा ।
सुरक्षित आप्रवासन कार्यक्रम (सामी) कार्यक्रम नेपाल सरकार ओ स्वीजरल्यान्ड सरकारबीच सम्झौता होके सञ्चालित कार्यक्रम हो । यी कार्यक्रममे हेल्भेटास स्वीस ईन्टरकोपरेशन नेपालके प्राविधिक सहयोग रहल बा ।
