ब्राउन सुगरसहित दुई भारतीय नागरिक पक्राउ
पहुरा समाचारदाता
धनगढी, १८ सावन । प्रहरीके क्षेत्रीय अनुसन्धान समूहसे (आराइटी) लागु औषध ब्राउन सुगर सहित २ जने भारतीयहे पक्राउ करले बा ।
जिल्ला प्रहरी कार्यालय कंचनपुर ओ आरआइटीके संयुक्त टोलीसे कंचनपुरके भारतीय सीमासंगे जोरल बेलौरी नगरपालिका १० घोडाघाटसे २२ दशमलव ९ ग्राम ब्राउन सुगर सहित पक्राउ करल हो ।
पक्राउ परलमे भारतके पिलिभित जिल्ला थाना हजारग्राम कम्बोझ नगर गाउँ पतैयाके गोबिन्द सिंह (२२) ओ उहे ठाउँके रामबिर सिंह (२३) के दुई जनहनहे पक्राउ करल सुदूरपश्चिम प्रदेश प्रहरी कार्यालय दिपायलके प्रमुख प्रहरी नायब महानिरीक्षक (डिआइजी) उत्तमराज सुबेदी बटैलै । अत्रा ढिउर परिणाममे ब्राउन सुगर पक्रल पहिल हो ।
विशेष सुराकीके आधारमे सीमा क्षेत्रमे लागूऔषध कारोबारी भारतीय नागरिक पक्राउ कैना सफल हुइल डिआइजी सुबेदी बटैलै । उहाँहुक्रे धनगढी, महेन्द्रनगरसे नेपालगन्जसम कारोबार करटी रहल जानकारी आइल डिआइजी सुबेदी बटैलै ।
