थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

स्वास्थ्यकर्मी, चौकीदार ओ भन्सरियाहे कोरोना संक्रमण

पहुरा समाचारदाता | २० श्रावण २०७७, मंगलवार
स्वास्थ्यकर्मी, चौकीदार ओ भन्सरियाहे कोरोना संक्रमण

पहुरा समाचारदाता
हसुलिया, २० साउन । कैलालीके कैलारी गाउँपालिकास्थित क्वारेन्टाइनमे कार्यरत एक जने स्वास्थ्यकर्मीसहित चौकीदार ओ भन्सरिया कोरोना भाइरससे संक्रमित हुइल बाटै ।
वडा नम्बर १ के हसुलियास्थित दीपेन्द्र माध्यमिक विद्यालयमे बनाइल क्वारेन्टाइनमे कार्यरत एक÷एक जने स्वास्थ्यकर्मी, चौकीदार ओ भन्सरियाहे मंगरके कोरोना भाइरस संक्रमण पुष्टि हुइल हो । विद्यालयके क्वारेन्टाइनमे कार्यरत ल्याबके काम करुइया एक जने स्वास्थ्यकर्मी, विद्यालयके चौकीदार ओ क्वारेन्टाइनमे बैठलहुक्रनके लाग खाना पकुइया व्यक्तिहे कोरोना संक्रमण हुइल गाउँपालिकाके स्वास्थ्य संयोजक विरेन्द्र सापकोटा जानकारी डेलै ।
स्वास्थ्यकर्मीसहित क्वारेन्टाइनमे काम करुइया व्यक्तिहुक्रनमे कोरोना संक्रमण पुष्टि हुइलपाछे उहाँहुक्रनके ‘कन्टयाक्ट’ मे आइल कर्मचारी, परिवारके सदस्य ओ अन्य स्थानीयके फेन स्वाब परीक्षणके लाग संकलन करजैना जनाइल बा । ‘संक्रमितके कन्ट्याक्टमे आइल कर्मचारीसहित सम्पूर्णके स्वाब संकलन कैके परीक्षणके लाग पठैबी’, सापकोटा कहलै ।
ओहकान अनुसार संक्रमित पुष्टि हुइल स्वास्थ्यकर्मी एकदिन घर फेन गैल नाइ हुइट । ओस्टके, ओहकान सम्पर्कमे कोइ स्थानीय व्यक्ति फेन आइल नाइ हुइट । आइसोलेसनमे राखल सक्कु संक्रमितहुक्रनहे चोखाके घर पठाइलपाछे अन्त्यमे कर्मचारीमे कोरोना सङ्क्रमण पुष्टि हुइल स्वास्थ्य संयोजक सापकोटा बटैलै ।
‘हसुलियास्थित आइसोलेसनमे रहल सङ्क्रमितहे सोम्मारके सक्कु जनहनहे घर पठैना कार्य हुइल रहे’, उहाँ कहलै–‘आउर संक्रमितके रिपोर्ट निगेटिभ अइटी रहल बेला हमारे कर्मचारीके रिपोर्ट पोजेटिभ आगैल ।’ संक्रमण पुष्टि हुइल स्वास्थ्यकर्मीसहितहे हसुलियाके दीपेन्द्र माविस्थित आइसोलेसनमे राखल सापकोटा जनैलै ।
कैलारी गाउँपालिकामे मंगरके सात जनहनमे कोरोना सङ्क्रमण पुष्टि हुइल बा । जौनमध्ये चार जने सङ्क्रमितके ‘ट्राभेल हिस्ट्री’ भर अन्यत्रसे काम कैके आइल रहल बा । उहाँहुुक्रे बैजपुरस्थित क्वारेन्टाइनमे रहिट । सङ्क्रमित उ व्यक्ति टमान वडाके रहल सापकोटा जानकारी डेलै ।

जनाअवजको टिप्पणीहरू