थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ अगहन २६४६, सोम्मार ]
[ वि.सं १९ मंसिर २०७९, सोमबार ]
[ 05 Dec 2022, Monday ]
‘ सावन २५ गतेसे आन्दोलनके सुरुवात करटी थरुहट मोर्चा ’

प्रधानमन्त्रीसहित मन्त्रीहुकन प्रवेश निषेध’

पहुरा | २४ श्रावण २०७७, शनिबार
प्रधानमन्त्रीसहित मन्त्रीहुकन प्रवेश निषेध’

धनगढी, २४ सावन । थरुहट थारुवान राष्ट्रिय मोर्चा कोभिड–१९ के बीच आन्दोलनके कार्यक्रमहे सशक्त पर्न चेतावनी डेले बा ।

सावन २५ गतेसे पछिल्का चरणके आन्दोलनके कार्यक्रम सार्वजनिक करल मोर्चा कोभिडके बीच आन्दोलनके कार्यक्रम सशक्त पार्न चेतावनी डेहल हो ।

शनिच्चरके रोज धनगढीमे आयोजित पत्रकार सम्मेलनमे बोल्टी मोर्चाके संयोजक लक्ष्मण थारु कहलै–‘कोभिडके कारण कौनो फेन कार्यक्रम आब नैरुकी । न्यायिक आन्दोलनमे काभिड बाधक नैबनी । हमार न्यायिक आन्दोलनहे नजरअन्दाज करल सरकारके लाग हम्रे कोठाभिट्टर बैठडेहे पर्ना ? आब नैहुई । राज्य विरुद्ध असहयोग आन्दोलनहे तीब्र पारब ।’

मोर्चा टीकापुर घटनामे मुछके जेल जीवन भोग्टी रहल सांसद रेशम चौधरी, वीरबहादुर चौधरी, हरिनारायण चौधरी, गंगाराम चौधरी, बृजमोहन चौधरी, राजेश चौधरी, स्ीताराम चौधरी, श्रवण चौधरी, प्रदीप चौधरी, सुन्दरलाल कठरिया, ओ राजकुमार कठरिया करके ११ जहनहे रिहाईके माग करटी आन्दोलनके घोषणा करल हो ।

मोर्चा ३ महिनाभिट्टर आपन जेलबन्दीहुकन रिहाई नैकर्लेसे प्रधानमन्त्री केपी शर्मा ओली ओ बहालवाला मन्त्रीहुकन थरुहट क्षेत्रमे प्रवेश निषेध कर्नाके साठे सामाजिक वहिषकार कर्ना समेत मोर्चाके संयोजक थारु चेतावनी डेलै ।

मोर्चा आपन पछिल्का संघर्षके कार्यक्रम अन्तरगत सावन २५ गते प्रदेश सरकारहे ज्ञापनपत्र बुझैना हुइल बा । भदौ २ गते मानवधिकार तथा नागरिक अगुवाहुकनसे धनगढीमे बृहत अन्तरक्रिया कर्ना जनैले बा । टीकापुर घटना घटल भदौ ७ गतेके दिनहे टीकापुर थरुहट विद्रोह दिनके रुपमे स्मरण करटी देशव्यापी रुपमे विरोध सभा कर्ना हुइल बा । कलेसे भदौ ८ गतेके दिनहे टीकापुरमे थारुहुकनके घर, पसल, व्यावसायिक केन्द्र, सञ्चारगृहमे हुइल आगजति, तोडफोड, लुटपात हुइल घटनाके रुपमे स्मरण करिया दिनके रुपमे मनैना जनागिल बा ।

ओस्टके, संविधान जारी हुुइल असोज ३ गतेके दिन थरुहट मोर्चा संविधानमे विभेदकारी व्यवस्था उल्लेख करटी ओइसिन व्यवस्था उल्लेखित धारा जरैना चेतावनी समेत डेले बा ।

थरुहट मोर्चा १० जोड १ प्रदेशसहितके पहिचानसहितके संघीयता हुइक पर्ना माग राख्टी आइल बा । यहेक्रममे २०७२ भदौ ७ गते थरुहट आन्दोेलनकारी ओ प्रहरीबीच टीकापुरमे दोहोरो झडप होके टीकापुर घटना घटल हो । घटनामे १ नाबालकसहित ८ प्रहरीहुकनके ज्यान गैल रहे ।

मोर्चाके हालके आन्दोलनमे नेपाल आदिवासी जनजाति महासंघ, नेपाल लोकतान्त्रिक पार्टी, खसान संघर्ष समिति, उत्पीडित समन्वय समिति, नेपाल मगर संघ, संघीय दलित शिल्पी मञ्च, मिसन अम्बेडकरलगायत संघ संगगन एक्येवद्धता जनैले बाटै ।

जनाअवजको टिप्पणीहरू