थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

क्यालेन्डर बनाके काम कैना निर्देशन

पहुरा | २८ श्रावण २०७७, बुधबार
क्यालेन्डर बनाके काम कैना निर्देशन

पहुरा समाचारदाता
धनगढी, २८ सावन ।
धनगढी उपमहानगरपालिका स्वास्थ्य शाखासे आर्थिक बर्ष २०७६/०७७ के वार्षिक समिक्षा तथा चालु आर्थिक वर्षके कार्ययोजना निर्माण करे लागल बाटै ।

बुधके हुइल वार्षिक समिक्षा कार्यक्रममे स्वास्थ्य शाखाके वार्षिक कार्ययोजना बनैना बटाइल बा । समिक्षाहे गल्ती कोट्यइनासेफे काल्हके दिनमे मार्ग निर्देशन डेना रुपमे बुझ्े परठ धनगढी उपमहानगरपालिकाके उपप्रमुख सुशीला मिश्रभट्टले कहली, टबमारे गहन रुपमे छलफल करके कार्ययोजना बनैना आग्रह करटु । गैल आर्थिक बर्षमे स्वास्थ्य शाखासे राखल लक्ष्य प्राप्त करे सेकल की नई ? सक्कु बिषयमे छलफल करी उप–प्रमुख भट्ट कहली, सक्कु जे बाटमे छोट छलफलपाछे बार्षिक क्यालेन्डर बनाके आघे बह्री ।

धनगढी उपमहानगरपालिकाके प्रमुख प्रशासकीय अधिकृत नारायण प्रसाद सापकोटासेफे क्यालेन्डर बनाके काम करलेसे केल लक्ष्य भेटैना बटैलै । सक्कु महाशाखाहे समिक्षा सहित कार्ययोजना बनैना अपने निर्देशन डेसेकल प्रमुख प्रशासकीय अधिकृत सापकोटा बटैलै ।

धनगढी उपमहानगरपालिका स्वास्थ्य शाखा प्रमुख डाक्टर खगेन्द्र बम स्वास्थ्य शाखाके काँधमे कोरोना महामारीके साथे ओ नियमित कार्यक्रमहे संगसंगे लैजाई पर्ना जिम्मेवारी आइल बटैलै । उहाँ कहलै, टबमारे अब्बेसे योजना बनाके काम करे परठ । स्वास्थ्य अधिकृत लक्ष्मी उपाध्याय कोरोना माहामारीमे खटना सक्कुहुनहे धन्यवाद डेलै ।

जनाअवजको टिप्पणीहरू