आजुकेल सबसेढेर १०१६ मे संक्रमित पुष्टि, ७ जे मुनै
सुदूरपश्चिममे ठप्लै ५० संक्रमित
पहुरा समाचारदाता
धनगढी, २ भदौ । नेपालमे हालसमके सबसे ढेर कोरोनाभाइरस संक्रमित पुष्टि हुइल बा । बिटल २४ घण्टामे देशभर १ हजार १६ जनहनमे कोरोनाभाइरस संक्रमण पुष्टि हुइल स्वास्थ्य मन्त्रालयके प्रवक्ता डा जागेश्वर गौतम मंगरके नियमित प्रेस ब्रिफिङमे जानकारी डेलै । यी संगे देशभर संक्रमितके कुल संख्या २८ हजार २५७ पुगल बा ।
बिटल २४ घण्टामे थप ८५ जाने डिस्चार्ज हुइल बाटै कलेसे हालसम डिस्चार्ज हुइलके संख्या १७ हजार ५८० पुगल बा । ओस्टेक देशभर १० हजार ५६३ सक्रिय संक्रमित रहल बाटै । आज १३ हजार ४६१ पीसीआर परीक्षण हुइल बा ।
सुदूरपश्चिम प्रदेशमे मंंगरके रोज ५० जाने कोरोना संक्रमित ठपल बाटै ।
स्वास्थ्य तथा जनमन्त्रालयके प्रवक्ता डा जागेश्वर गौतमके अनुसार डोटीमे ४६ जाने, दार्चुलामे दुई जाने, कैलाली ओ कञ्चनपुरमे एक÷एक करके जम्मा ५० जाने कोरोना संक्रमित ठपल बाटै । ओस्टेक मंगरके रोज सात जानेक ज्यान गैल बा । अब्बेसकके मृतकके संख्या ११४ पुगल बा ।
