सुदूरपश्चिममे कोरोना संक्रमित संख्या ५६९४, कैलालीमे सबसे ढिउर १५७७ जाने
कैलाली, १२ भादौं । सुदूरपश्चिम प्रदेशमे कोरोना संक्रमितके संख्या पाँच हजार सात सय पुगल बा । स्वास्थ्य तथा जनसंख्या मन्त्रालयके अनुसार प्रदेशमे संक्रमितके संख्या पाँच हजार ६ सय ९४ पुगल हो ।
अब्बेसम ५७ हजार ढिउरके कोरोना परीक्षण हुइलमे पाँच हजार ६ सय ९४ जनहनमे संक्रमण पुष्टि हुइल हो । सबसे ढिउर कैलालीके एक हजार पाँच सय ७७ जनहनमे संक्रमण पुष्टि हुइल बा । डोटीमे नौँ सय ४९, अछाममे ८ सय ७१, कञ्चनपुरमे ६ सय ५१ ओ बाजुरामे ६ सय २४ जनहनमे संक्रमण पुष्टि हुइल बा ।
बैतडीके तीन सय ३१, डडेल्धुराके तीन सय २९, बझाङके तीन सय १२ ओ दार्चुलाके ५० जनहनमे संक्रमण पुष्टि हुइल बा । संक्रमण पुष्टि हुइल चार हजार सात सय ९१ जाने कोरोना जिटल दाबी प्रदेश स्वास्थ्य निर्देशनालयके रहल बा । अब्बेसम सबसे ढिउर कैलालीके एक हजार तीन सय ३१ जाने संक्रमित डिस्चार्ज हुइल बाटै ।
अछामके सात सय १३, डोटीके सात सय ५८, कञ्चनपुरके ६ सय पाँच ओ बाजुरासे चार सय ४२ जाने कोरोना संक्रमित डिस्चार्ज हुइल बाटै । बैतडीसे तीन सय २२, डडेल्धुरासे दुई सय ९९, बझाङसे दुई सय ८० ओ दार्चुलासे ४१ जाने संक्रमितहे डिस्चार्ज करल बा । संक्रमण पुष्टि हुइल ओ लक्षण डेखल ९६ जहनके टमान अस्पतालमे उपचार हुइटी रहल बा ।
टीकापुर अस्पतालमे ३४, महाकाली अस्पतालमे २४, सेती प्रादेशिक अस्पतालमे २४, जिल्ला अस्पताल अछाममे १०, जिल्ला अस्पताल डोटी ओ डडेल्धुरा अस्पतालमे दुईरदुई जाने संक्रमितके उपचार हुइटी रहल बा । अन्य संक्रमित भर स्थानीय तहके आईसोलेसन ओ घरमे रहल बाटै ।
