भन्सार छलीके समान बरामद

पहुरा समाचारदाता
धनगढी,१६ भदौ । जिल्ला प्रहरी कार्यालय बेवारिसे अवस्थामे अवैध भन्सार चोरी पैठारीके करके नानल मोटरसईकलके टमान पाठ पुर्जा बरामद करले बा ।
कैलालीके धनगढी उप महानगरपालिका वडा न ०३ चटकपुरस्थित सडक खण्डमे बेवारिसे अवस्थामे अवैध भन्सार चोरी पैठारी करके नानल अन्दाजी मुल्य रु. ३ लाख ९६ हजार ४ सय १० रुप्या बराबरके सर–समान फेलापारके अवश्यक कार्वाहीके लाग त्रिनगर भन्सार कार्यालयमे पठाइल जिल्ला प्रहरी कार्यालय कैलालीके प्रवक्ता प्रहरी नायव उपरीक्षक प्रतिक विष्ट जनैलै ।