बझाङमे १० ओ डडेल्धुरामे दुई संक्रमित ठप्लै

पहुरा समाचारदाता
धनगढी,२१ भदौ । सुदूरपश्चिम प्रदेशके बझाङमे अँटवारके रोज १० ओ डडेल्धुरामे २ जाने कोरोना संक्रमित विरामी ठपल बाटै ।

डडेल्धुरा अस्पताल कोभिड–१९ परिक्षण प्रयोगशालामे २ सय ८१ जनहनमे करल परिक्षणमे १२ जनहनमे संक्रमण डेखाइल अस्पतालके इन्चार्ज ईश्वरी प्रसाद भुषाल जनैलै । ठपल संक्रमित बझाङके बुङल नपाके १० जाने डडेल्धुरा अमरगढी नपा–११ के २ करके १२ जाने रहल इन्चार्ज भुषाल जनैलै । ओस्टेक डडेल्धुरा अस्पताल कोभिड–१९ परिक्षण प्रयोगशालामे गैल भदौ १३ गतेसमके तथ्याङकमे और जिल्लाके तुलनामे बझाङमे १ सय ५८ जाने संक्रमित ठपल बाटै । जेम्ने भदौ २१ गते १०, भदौ २० गते १७, भदौ १९ ओ १६ गते एक÷एक जाने, भदौ १७ गते ९, भदौ १६ गते ३८, भदौ १४ गते ४७ ओ भदौ २६ गते २६ जनहनमे संक्रमण पुष्टि हुइल रहे ।

सुदूरपश्चिम प्रदेश सामाजिक विकास मन्त्रालयके शनिच्चरसमके तथ्याङके हेरेबेर प्रदेशभर ८ सय ९ जाने सक्रिया संक्रमित रहल बाटै । सबसे कैलालीके ३ सय ७९, दुसरामे बझाङ १ सय २४, डोटीमे ८६, अछाम ७४, बैतडीमे ५६, कञ्चपुरमे ५३, डडेल्धुरा २०, दार्चुला ९ ओ बाजुरा ८ जाने रहल बाटै ।