थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

कटुवा पेस्तोल सहित एक युवक पक्राउ

पहुरा | २२ भाद्र २०७७, सोमबार
कटुवा पेस्तोल सहित एक युवक पक्राउ

कञ्चनपुर, २२ भदौ । कञ्चनपुरके दक्षिणी क्षेत्रमे पर्र्ना बेलौरी नगरपालिकामे हतियार सहित एक युवक पक्राउ परल बाटै ।

बेलौरी नगरपालिकाके वडा नम्बर १० भुडामे ससस्त्र प्रहरी बल बिओपी भुडासे सोम्मारके १२ बजे ओर सिमा गस्तीके क्रममे बेलौरी नगरपालिका १० भुडाके २४ वर्षिय खुसिराम चौधरीहे हतियार सहित पक्राउ करल हो ।

पक्राउ परल चौधरीकसंग एक थान कटुवा पेस्तोल ३१५, पेस्तोलमे प्रयोग हुइना २ थान गोली ओ एक हजार नगद सहित बरामद करल ससस्त्र प्रहरी बल बिओपी भुडाके सशस्त्र प्रहरी साहयक निरीक्षक राजेन्द्र प्रसाद भट्ट बटैलै ।

बिओपी भुडाके प्रहरी साहयक निरीक्षक भट्टके नेतृत्वमे रहल टोली सिमा लग्गेक रहल नहरमे संकास्पद गतिबिधी करटी रहल डेखलपाछे संका लागके चेकजाँच करेबर हतियार भेटल प्रहरी साहयक निरीक्षक भट्ट बटैलै ।

पक्राउ परल चौधरीहे अनुसन्धानके लाग ईलाका प्रहरी कार्यालय बेलडाडीहे जिम्मा लगैना जनाइल बा । चौधरीहे हात हतियार तथा खरखजाना ऐन अन्तर्गत कारबाही हुइना इलाका प्रहरी कार्यालय बेलडाडीके प्रहरी निरीक्षक राजेन्द्र बहादुर सिंह बटैलै ।

कोभिड–१९ के कारण अन्तर्राष्ट्रिय सिमा बन्द रहल बेला सिमामे अबैध सिमा कारोबार तस्करी, लागू औसध तस्करी बहे्र लागलपाछे सिमा क्षेत्रमा सुरक्षा सतर्कता बह्राइल बा ।

२४ घण्टा प्रहरीके गस्ती टोली सिमामे परिचालन करल जनाइल बा । भारतसे अबैधरुपमे नेपाल भित्रना समान रोकक् लाग सिमामे सुरक्षा बह्राइल प्रहरी निरीक्षक सिंह बटैलै ।

जनाअवजको टिप्पणीहरू