थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

सुदूरपश्चिममे ६३ सेनासहित ८७ जनहनमे कोरोना संक्रमण पुष्टि

पहुरा | २२ भाद्र २०७७, सोमबार
सुदूरपश्चिममे ६३ सेनासहित ८७ जनहनमे कोरोना संक्रमण पुष्टि

पहुरा समाचारदाता
धनगढी, २२ भदौ ।
सुदूरपश्चिम प्रदेशमे ६३ सेनासहित ८७ जनहनमे कोरोना संक्रमण पुष्टि हुइल बा । सेती प्रादेशिक अस्पतालके कोभिड प्रयोगशालामे पछिल्का २४ घण्टामे कैगिल परिक्षणमे कैलालीके कैलालीमे कार्यरत ६३ सेनासहित ७४ जाने ओ डडेल्धुरा अस्पतालके प्रयोगशालामे एक जनहनमे कोरोना संक्रमण पुष्टि हुइल हो । कलेसे स्वास्थ्य तथा जनसंख्या मन्त्रालयसे सार्वजनिक करल तथ्याङकमे १२ ठप करके ८७ जनहनमे कोरोना संक्रमित ठपल बटै ।

सोम्मारके साँझ तीन बजेसमके रिपोर्ट अनुसार ७४ जनहनमे संक्रमण पुष्टि हुइल सूचना अधिकारी दिलिपकुमार श्रेष्ठ जनैलै । ४ सय ४५ जनहनमे करल परिक्षणमे सबसे ढेर लम्की–चुहामे लम्कीचुहा नगरपालिकाके गोराङेमे रहल सुदूरपश्चिम पृतना तालिम शिक्षालयमे कार्यरत ६३ जाने सेना, धनगढी–५ के ४ जाने, धनगढी–१३ के १, धनगढी–२ के २ जाने, घोडाघोडी–१ के १ जाने ओ भीमदत्त नगर कञ्चनपुरके ३ करके ७४ जनहनमे कोरोना संक्रमण पुष्टि हुइल सूचना अधिकारी श्रेष्ठ बटैलै ।

यी आघे शिक्षालयमे कार्यरत चार जनहनमे सेनामे संक्रमण पुष्टि हुइलपाछे दुई सय ४५ जनहनके स्वाब संकलन करके परीक्षणके लाग धनगढी पठाइल रहे । यी आघे डोटीमे कार्यरत २१ जाने सैनिकमेफे एक्केदिन कोरोना भाईरसके संक्रमण पुष्टि हुइल रहे ।

सेती प्रादेशिक अस्पतालके प्रयोगशालामे अब्बेसम ३५ हजार ३ सय ८१ जनहनके पिसिआर जाँच करलमे ३३ हजार एक सय ६४ जनहनके निगेटिभ ओ २२ सय १७ जनहनके पोजेटिभ रिपोर्ट आइल उहाँ जनैलै । सेतीके कोभिड आइसोलेशनमे सुदूरपश्चिमके टमान स्थानीय तहके ३० जाने विमारी उपचार करैटी रहल बाटै ।

डडेल्धुरा अस्पतालके कोभिड प्रयोगशालामे बझाङके एक जनहनमे कोरोना पुष्टि हुइल बा कलेसे स्वास्थ्य तथा जनसंख्या मन्त्रालयसे सार्वजनिक करल तथ्याङकमे कञ्चनपुरके ७ जाने, कैलालीके ३ जाने, बझाङ ओ बाजुरामे एक÷एक जाने रहल बाटै ।

पछिल्का २४ घण्टामे ९७९ जनहनमे कोरोना भाइरस (कोभिड(१९) के संक्रमण पुष्टि हुइल बा । देशभरके प्रयोगशालामे ९ हजार २१८ नमुना परीक्षण करेबेर ३३८ महिला ओ ६४१ जनहनमे संक्रमण पुष्टि हुइल हो ।

यी संगे कुल संक्रमितके संख्या ४७ हजार २३६ पुगल बा ।

ओइने मन्से ३०० जानेक मृृत्यु हुइल बा कलेसे ३० हजार ६७७ जाने कोरोना मुक्त हुइल बाटै ।

जनाअवजको टिप्पणीहरू