थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

राजबन्दी परिवारहे आर्थिक सहयोग

पहुरा | २३ भाद्र २०७७, मंगलवार
राजबन्दी परिवारहे आर्थिक सहयोग

पहुरा समाचारदाता
धनगढी, २३ भदौ ।
टीकापुर घटनाके राजबन्दी परिवारहे आर्थिक सहयोग करल बा ।

धनगढी उपमहानगरपालिका वडा नं. ५ जाँइ गाउँके भलमन्सा तथा समाजसेवी कूलबीर चौधरी व्यक्तिगत रु.५० हजार आर्थिक सहयोग करल हुइट । थारु विद्यार्थी समाज कैलालीके आयोजनामे मंगरके टीकापुरमे हुइल एक कार्यक्रमके बिच उक्त रकम राजबन्दी परिवारहे हस्तान्तरण करल हो ।

प्रति परिवार ५ हजारके दरसे १० घरपरिवारहे आर्थिक सहयोग करल थारु विद्यार्थी समाज कैलालीके अध्यक्ष आशिष चौधरी जानकारी डेलै । कोरोना कहरके बिच भल्मन्सा चौधरी अपने ठोरचे हुइलेसे सहयोग करे पाइबर खैना लगैना समस्या रहल परिवारहे राहत मिल्ना बटैलै ।

जेलजीवन बिटैटी रहल वृजमोहन चौधरी, राजेश चौधरी, सीताराम चौधरी, राजकुमार कठरिया, सुन्दर कठरिया, प्रदिप चौधरी, श्रवण चौधरी, हरिनारायण चौधरी, बिरबहादुर चौधरी, गंगाराम चौधरीके घरपरिवारहे आर्थिक सहयोग करल हो ।

थारु विद्यार्थी समाजके अध्यक्ष आशिष चौधरीके अध्यक्षतामे हुइल कार्यक्रमके बर्का पहुना समाजसेवी तथा जाँई गाउँके भलमन्सा कूलबीर चौधरी रहल रहिट । कार्यक्रममे खास पहुना थरुहट थारुवान मोर्चाके केन्द्रिय सदस्य रामप्रसाद चौधरी, मोर्चाके कैलाली कञ्चनपुर संयोजक खडक चौधरी, मोर्चाके कैलाली प्रवक्ता चुन्नीराम चौधरी, राजवन्दी संगम चौधरी, तारानगर धनगढीके भलमन्सा गोठुराम चौधरी, समाजसेवी गोपी चौधरी, नरेश चौधरी, सुन्दर चौधरी लगायतके सहभागिता रहल रहे । कार्यक्रमके संचालन गायक रमेश मिसन करले रहिट ।

जनाअवजको टिप्पणीहरू