थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २१ अगहन २६४६, बुध ]
[ वि.सं २१ मंसिर २०७९, बुधबार ]
[ 07 Dec 2022, Wednesday ]

सुदूरपश्चिममे ९६ जनहनमे संक्रमित ठप्लै

पहुरा | २३ भाद्र २०७७, मंगलवार
सुदूरपश्चिममे ९६ जनहनमे संक्रमित ठप्लै

पहुरा समाचारदा
धनगढी, २३ भदौ ।
सुदूरपश्चिम प्रदेशमे मंगरके रोग ९६ जाने कोरोना संक्रमित ठपल बाटै । सेती प्रादेशिक अस्पतालके प्रयोगशालामे कैगिल परिक्षणमे कैलाली कञ्चनपुरके १० जनहनमे संक्रमण डेखा परल बा । कलेसे स्वास्थ्य तथा जनसंख्या मन्त्रालयसे सार्वजनिक करल तथ्याङकमे कैलालीमे ७७ ओ कञ्चनपुरके ९ करके ८६ जनहनमे संक्रमण पुष्टि हुइल जनागिल बा ।

सेती प्रादेशिक अस्पतालके प्रयोगशालामे पछिल्का २४ घण्टामे ७ सय ८८ जनहनमे करल पीसिआर परिक्षणमे कैलालीके ४ ओ कञ्चनपुरके ६ जनहनमे संक्रमण पुष्टि हुइल सेती प्रादेशिक अस्पतालके सूचना अधिकारी दिलिपकुमार श्रेष्ठ बटैलै ।

लौव ठपल संक्रमितमे लम्कीचुहा–२ कैलालीके एक जाने, लम्कीचुहा–१ के एक जाने, धनगढी–८ के २ जाने, भीमदत्तनगर १८ के पाँच जाने, भीमदत्तनगर–५ के एक करके १० जनहनमे संक्रमण पुष्टि हुइल सुचना अधिकारी श्रेष्ठ जनैलै । ओस्टेक सेती प्रादेशिक अस्पतालके आइसोलेशन वार्डमे सुदूरपश्चिम प्रदेशके टमान स्थानीय तहके २८ जाने उपचार करैटी रहल बाटै ।

सुदूरपश्चिम प्रदेश सामाजिक विकास मन्त्रालयके अनुसार पछिल्का २४ घण्टामे सुदूरपश्चिमसे ३४ जाने डिस्चार्ज हुके घर लौटल बटै । जेम्ने बझाङसे २४ जाने, कञ्चनपुर÷दार्चुलासे ४÷४ जाने ओ सेती प्रादेशिक अस्पतालसे २ करके ३४ जाने ठिक हुके घर लौटल जनागिल बा । सुदूरपश्चिममे अब्बेसम ५ हजार ३ सय १२ जाने ठिक हुके घर लौटल बाटै ।

ओस्टेक पछिल्का २४ घण्टामे देशभरके ९०२ जनहनमे कोरोना भाइरस (कोभिड–१९) के संक्रमण पुष्टि हुइल बा । देशभरके प्रयोगशलामे १० हजार ६११ नमुना परीक्षण करेबेर ३०७ महिला ओ ५९५ पुरुषमे संक्रमण पुष्टि हुइल हो ।

यी संगे कुल संक्रमितके संख्या ४८ हजार १३८ पुगल बा । ओइने मन्से ३०६ जानेक ज्यान जासेकल बा । कलेसे ३२ हजार ९६४ जाने कोरोना मुक्त हुइल बाटै । पछिल्का २४ घण्टामे केल २ हजार २८७ जाने डिस्चार्ज हुइल बाटै ।

कहाँ कति थपिए संक्रमित ?

काठमाडौं उपत्यकाका थप ३९६ जनामा कोरोना भाइरस (कोभिड(१९) को संक्रमण पुष्टि भएको छ । काठमाडौंका ३००, भक्तपुरका ५८ र ललितपुरका ३८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यस्तै कैलालीका ७७ जना, मोरङका ५१, सुनसरीका ३८, धनुषाका ३३, कास्कीका ३०, मकवानपुरका २४, रुपन्देहीका २१, चितवनका २०, सप्तरी, गोरखा र सुर्खेतका १८र१८ जना, झापाका १६, पर्साका १४, ओखलढुंगाका १३, बाराका १२, बाग्लुङका १० र कञ्चनपुरका ९ जनामा कोरोना संक्रमण पुष्टि भएको छ ।

रौतहट, धादिङ र रामेछापका ८र८ जना, नवलपुर र बर्दियाका ७र७ जना, सर्लाहीका ६, बाँकेका ५, महोत्तरी र सिराहाका ४र४ जना, नुवाकोट, तनहुँ र दाङका ३र३ जना, उदयपुर, काभ्रे, दोलखा र लमजुङका २र२ जना तथा इलाम, सिन्धुपाल्चोक, पर्वत, स्याङ्जा, अर्घाखाँची, कपिलवस्तु, गुल्मी, नवलपरासी, रोल्पा र दैलेखका १र१ जनामा पनि संक्रमण देखिएको मन्त्रालयले जनाएको छ ।

स्वाब संकलन करे गैल स्वास्थ्यकर्मीउप्पर कुटपिट

बैतडी, २३ भदौ । स्वाब संकलन करे गैल बैतडीके एक स्वास्थ्यकर्मीउप्पर कुटपिट हुइल बा । सिगास गाउँपालिकाके बल्लेखान आधारभूत स्वास्थ्य केन्द्रमे कार्यरत अहेब भूपेन्द्र बोहराउप्पर सोम्मार साँझके कुटपिट हुइल हो । बल्लेखान आधारभूत स्वास्थ्य केन्द्रसे ढुङाडमे स्वाब संकलनके लाग नेंगल स्वास्थ्यकर्मी बोहराउप्पर सिगास–३, डुणैमे स्थानीय भानसिंह बोहरासे कुटपिट करल बटाइल बा ।

भूमिराज आधारभूत विद्यालयमे वनसम्बन्धी बैठक सञ्चालन रहल अपने सामाजिक दूरी कायम कैना ओ स्वास्थ्य सुरक्षा सतर्कता अपनैना आग्रह करेबेर स्थानीय बोहरा हातपात करल स्वास्थ्यकर्मी बोहरा जानकारी डेलै । उहाँ कहलै, ‘विद्यालयमे बैठक चल्टी रहे । उ व्यक्ति मदिरा सेवन करके गालीगलौज फे करटी रहिट । मै यैसिन बेला भीडभाड नकरी कहिके सम्झाईबेर मोर उप्पर हातपात हुइल ।’

स्थानीयसे हातपात करेबेर उ स्वास्थ्यकर्मीके घेँचा, गोर ओ पखरामे चोट रहल बटाइल बा । स्थानीयसे अपन उप्पर हातपात करलपाछे विहान अपने गाँजरी प्रहरीचौकीमे निवेदन डेहल स्वास्थ्यकर्मी बोहरा बटैलै । उहाँ कहलै, ‘यैसिक महीहे काम कैना बहुट असहज हुइल बा । अब्बे निवेदन डेहक लाग प्रहरीचौकीमे आइल बटु । यकरपाछे का हुई । ओकरपाछे केल कार्यक्षेत्रमे लौटम ।’

स्वास्थ्यकर्मीउप्पर डगरेम हापात हुइलपाछे स्वाब संकलन कार्यसमेत प्रभावित हुइल ढुङाड स्वास्थ्यचौकीके प्रमुख हेमन्तसिंह साउँद बटैलै । उहाँ कहलै, ‘हम्रे समुदायके मनैनके कोरोना परीक्षणके लाग स्वाब संकलन कैना तयारी करले बाटी, मने स्वाब संकलन कैना स्वास्थ्यकर्मीउप्पर हातपात हुइलपाछे समस्या हुइल बा ।’

स्वास्थ्यकर्मीउप्पर कुटपिट करुइयाहे कारवाहीके समेत माग करल ढुङाड स्वास्थ्यचौकीके प्रमुख साउँद बटैलै । प्रहरी प्रमुख प्रहरी नायब उपरीक्षक नारायणप्रसाद अधिकारी कुटपिटमे संलग्न बोहराहे नियन्त्रणमे लेके अनुसन्धान सुरु कैना जानकारी डेलै । उहाँ कहलै, ‘स्वास्थ्यकर्मी कुटपिट हुइल कना खबर पाइलपाछे संलग्न उ व्यक्तिहे नियन्त्रमे लेना प्रहरी टोली गैल बा ।’

स्थानीय तहमे स्वाब संकलन कार्य हुइटी रहल बा । अभिनसम ३७५ जनहनमे कोरोना पुष्टि हुइल बा कलेसे ३६२ जाने डिस्चार्ज हुसेकल बाटै । जिल्लामे १३ जाने केल कोरोनाके सक्रिय संक्रमिट रहल स्वास्थ्य कार्यालय जनैले बा ।

जनाअवजको टिप्पणीहरू