थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

कैलारी–८ मे फे सूचना प्रविधि केन्द्र स्थापना

पहुरा | २३ भाद्र २०७७, मंगलवार
कैलारी–८ मे फे सूचना प्रविधि केन्द्र स्थापना

पहुरा समाचारदाता
धनगढी, २३ भदौ ।
कैलारी गाउँपालिका वडा नम्बर ८ मे फे सूचना प्रविधि केन्द्रके स्थापना हुइल बा ।

सामुदायिक सूचना प्रविधि केन्द्र विस्तारके लाग ग्राम विकास तथा अनुसन्धान केन्द्र सुशासन परियोजनासे मंगरके रोज टमान सामान हस्तान्तरण करलपाछे सूचना प्रविधि केन्द्रके स्थापना हुइल हो ।

कैलारी–८ मे सूचना प्रविधि केन्द्र स्थपानाके लाग सामग्री हस्तान्तरण

सुशासन परियोजनासे गाउँपालिका उपाध्यक्ष लक्ष्मी सत्गौवाहे एक ठो ल्यापटप, एक ठो ४३ इन्चके टिभी, एक ठो प्रिन्टर, एक ठो प्रोजेक्टर लगायत आठ मेरिक सामान हस्तान्तरण करल ग्राम विकास तथा अनुसन्धान केन्द्र सुशासन परियोजनाके कार्यक्रम संयोजक ठाकुरप्रसाद करियाप्रधान जनैलै ।

सामग्री हस्तान्तरण कार्यक्रममे गाउँपालिकाके प्रशासकीय अधिकृत खगेन्द्रराज जोशी, सामाजिक विकास अधिकृत यगम कलेल,सेसीके गर्भनर एडभाइजर विनोद उपाध्याय, गाउँपालिकाके सहायक कम्प्यूटर अपरेटर रवीन्द्र चौधरी लगायतके सहभागिता रहे ।

उहे लग्गटे मंगरके रोज कैलारी गाउँपालिका वडा नम्बर ८ मे जाके सूचना प्रविधि केन्द्रके स्थापनाके लाग उ सामान वडा अध्यक्ष दुःखीराम कठरिया, वडा सचिव तुल्सीराम चौधरी ओ वडा सदस्यहुकनके सहभागिताहे हस्तान्तरण कैगिल रहे ।

कलेसे सूचना प्रविधि केन्द्रके स्थापनाके उद्देश्यबारे जानकारी डेगिल सुशासन परियोजना जिल्ला संयोजक ठाकुरप्रसाद करियप्रधान बटैलै ।

जनाअवजको टिप्पणीहरू