धनगढीमे ५० सहित ६९ मे संक्रमण पुष्टि

पहुरा समाचारदाता
धनगढी, २५ भदौ । सेती प्रादेशिक अस्पतालमे कैगिल परिक्षणमे धनगढीके ५० सहित ६९ जनहनमे कोरोना संक्रमण पुष्टि हुइल बा ।

पछिल्का २४ घण्टामे ३ सय १९ जानेकमे कैगिल परिक्षणमे ६९ जनहनमे संक्रमण पुष्टि हुइल सेती प्रादेशिक अस्पतालके सूचना अधिकारी दिलिपकुमार श्रेष्ठ जनैलै । विफेक रोज ठपल संक्रमित धनगढी कैलालीके नौ महिला ४१ पुरुष, गोदावरी कैलालीके दुई महिला ११ पुरुष, कैलारी–३ के एक पुरुष, चुरे–६ कैलालीके एक महिला एक पुरुष, घोडाघोडीके एक पुरुष, पुनर्वासके दुई पुरुष रहल बाटै । ओम्ने १२ महिला ५७ पुरुष रहल बाटै ।