थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

बडीकेदार कोरोनामुक्त गाउँपालिका

पहुरा | २८ भाद्र २०७७, आईतवार
बडीकेदार कोरोनामुक्त गाउँपालिका

डोटी, २८ भदौ । डोटीके बडिकेदार गाउँपालिका जिल्लाके पहिल कोरोनामुक्त गाउँपालिका बनल बा । कोरोना संक्रमण डेखगैल स्थानीयवासीके स्वाब संकलनके नतिजा नेगेटिभ आइलसंगे उ गाउँपालिका जिल्लाके पहिल कोरोनामुक्त गाउँपालिका बनल हो ।

गैल जेठमे भारतसे घर आइल १३ जनहनमे कोरोना संक्रण डेखल ओ आइसोलेसनमे उपचार कराके उहाँहुक्रे चोखाइलपाछे बडिकेदार गाउँपालिका अब्बे कोरोनामुक्त हुइल उ गाउँपालिकाके अध्यक्ष कृष्णबहादुर चन्द बटैलै । उहाँ कहलै “हमार गाउँपालिका हालहे कोरोना संक्रमण मुक्त गाउँपालिका हुइल बा ।

परोसी जिल्ला ओ स्थानीय तहहे कोरोना संक्रमणके संख्या बह्रटी गैल अवस्थामे संक्रमणके स्थितिहे दृष्टिगत कैके थप संक्रमण फैले नाइ डेना रोकथाम तथा उपचारसम्बन्धी कार्यहे व्यवस्थित एवं प्रभावकारी बनाके आवतजावत बन्द करल अध्यक्ष चन्दके कहाइ बा ।

ओहकान अनुसार एक टोेलसे औरे टोलमे आवतजावत कैना, पशुचौपाया खरिद–बिक्री कैना, आपत्कालीन ओ अत्यावश्यक क्षेत्र खुला रहना मेरके अत्यन्त जरुरी कामबाहेक घरसे बाहर हिँड्डुल कैना, एम्बुलेन्स, शववाहन, कूटनीतिक नियोग, खाद्यान्न, तरकारी, औषधि, स्वास्थ्यकर्मी, सुरक्षाकर्मी ओ उहाँहुक्रनके सवारी साधनबाहेक अन्य सवारी साधन आवतजावत कैना तथा गाउँपालिकासे सीमा जोरल सक्कु नाका पूर्ण रुपमे बन्द करल बा ।

कोरोना संक्रमण फैले नाइ डेना गाउँपालिकासे आपन पालिकाभर उच्च सतर्कता अपनाइ लागल बा । पालिकाभर सक्क मेरके भेला, सभा, सम्मेलन, गोष्ठी, धार्मिक तथा सांस्कृतिक मेलापर्वलगायत कार्यक्रम फेन बन्द करल बा । ‘गाउँपालिकासे सिमाना जोरल सक्कु नाका बन्द कैना निर्णय हुइल बा,’ गाउँपालिका वडा नं ४ के अध्यक्ष वीरेन्द्र कोड्केनी कहलै, ‘कोरोना संक्रमण आइ नाइ डेना हम्रे आपन सीमा क्षेत्रलगायत पालिकाभरमे आवतजावतमे कडाइ करले बाटी ।’

जिल्ला कोरोना संकट व्यवस्थापन केन्द्रसे जिल्लाभर लागू हुइना मेरके यिहे भदौ २१ गते रात १२ से २८ गते रात १२ बजे समके लाग निषेधाज्ञा जारी करल बा । अत्यावश्यक कामबाहेक अन्य कामके लाग जिल्लामे आवतजावतमा पूर्ण रुपमे निषेध करल बा ।

जनाअवजको टिप्पणीहरू