सडक मर्मतके लाग प्रदर्शन

पहुरा समाचारदाता
धनगढी, २८ माघ । लम्मा समय सम फेन सडक मर्मत नाइ करल कहटी धनगढीके स्थानीय आन्दोलित हुइल बाटै ।

धनगढी स्थित पुरान भन्सार रोडके सडक स्तरोन्नति करे पर्ना माग रख्टी प्रदर्शन करल हुइट । उपमहानगरपालिकाके वडा नम्बर २ पिपल चौतारामे साझा पार्टी अभियान विभाग कैलालीसे प्रदर्शन करल हो ।

धनगढीके महत्वपूर्ण सडकके रुपमे रहल उ सडकके मर्मतके लाग जनप्रतिनिधि चासे नाइ डेहल कहटी दबाब डेना उद्देश्यसे प्रदर्शन करल वडा नम्बर २ के स्थानीय बटैले बाटै ।
सहभागीहुक्रे वडाके विकास बजेट, वडाके विकास लगायत विषयमे प्लेकार्ड समेत प्रदर्शन करल रहिट ।