थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

सांसद रेशम चौधरीके रिहाइके माग, कुवार ३ गते करिया दिनके रुपमे मनैना तयारी

पहुरा | २८ भाद्र २०७७, आईतवार
सांसद रेशम चौधरीके रिहाइके माग, कुवार ३ गते करिया दिनके रुपमे मनैना तयारी

धनगढी, २८ भदौ । जनता समाजवादी पार्टी (जसपा) सांसद रेशम चौधरीके रिहाइके मागहे फेरसे उठैले बा ।

लम्मा समय रिहाइके माग करटी आइल उ पार्टी फेरसे उठाइल हो । अट्वारके रोज प्रेस विज्ञप्ति जारी करटी उ पार्टी टीकापुर घटनामे मुछल सांसद चौधरी लगायत नेता, कार्यकर्ता तथा सार्वसाधारणहुकनके रिहाइके माग करल हो । विज्ञप्तीमे ओइन उप्पर लगाइल मुद्धा खोरजीके माग फेन उल्लेख बा ।

जसपाके अध्यक्षद्वय उपेन्द्र यादव ओ महन्थ ठाकुरसे जारी करल विज्ञप्तिमे कहल बा, ‘मधेस–थरूहट आन्दोलनमे सहभागी हुइल कुछ नेता तथा कार्यकर्ता उप्पर सरकारसे मुद्दा चलैना, धन सम्पत्ति रोक्का कर्र्ना, थुनामे राख्न काम अभिन फेन जारी रहलओरसे तत्काल बन्द करेक लाग सरकवारसे माग करटी ।’

२०७४ के निर्वाचनमे कैलाली क्षेत्र नम्बर १ से अत्याधिक बहुमतसे प्रतिनिधिसभा सदस्यमे निर्वाचित सांसद चौधरीहे जिल्ला अदालत कैलालीके टीकापुर घटनामे दोषी ठहर करल करल रहे ।
२०७२ भदौमे थरुहट थारुवान आन्दोलनके क्रममे थरुहट आन्दोलनकारी प्रहरीबीच दोहोरो झपड होके एक बच्चासहति ८ प्रहरीके ज्यान गैल रहे ।

यहेबीच थरुहट नेता लक्ष्मण थारुके नेतृत्वमे रहल थहरुट थारुवान राष्ट्रिय मोर्चा नेपालके संविधान जारी हुइल कुवार ३ गतेहे करिया दिनके रुपमे मनैना तयारीमे जुुटल बा । संविधानके कुछ धारामे रहल व्यवस्था थारु ओ मधेशीहुकनके हित विपरित रहल कहटी संशोधनके माग करटी आइल बा । विरोध स्वरुप करिया दिनके रुपमे मनैटी आइल हो ।

जनाअवजको टिप्पणीहरू