थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

पत्रकार पिटुइया पक्रे नैसेकल प्रहरी, पत्रकार आन्दोलित

पहुरा | २८ भाद्र २०७७, आईतवार
पत्रकार पिटुइया पक्रे नैसेकल प्रहरी, पत्रकार आन्दोलित

धनगढी, २८ भदौ । नेपाल पत्रकार महासंघके केन्द्रीय सदस्य मीन बम दिनेश संचारगृहमे दिनडेहडे गुण्डागर्दी शैलीमे कुटपिटमे संलग्न दोषीहुकन अभिनसम पक्राउ करे नइसेक्ना प्रहरी प्रशासनके लचारीपन रहल बटैले बाटै ।

दिनेश सञ्चार गृहके पत्रकारउप्पर आक्रमण करुइयाहे कार्वाहीके माग करटी धनगढीके पत्रकार आन्दोलित हुइल बटै । पीडित पक्षसे कुटपिट करुइयाहे कार्वाहीके माग करटी किटानी जाहेरी डेहल तीनदिन हुई लग्लेसेफे प्रहरी प्रशासन कुहीहे पक्राउ नइकरल कहटी नेपाल पत्रकार महासंघ कैलाली चरबद्ध आन्दोलन करटी अँटवारके रोज जिल्ला प्रशासन कार्यालय हो ।

केन्द्रीय सदस्य मीन बम मिडिया हाउसभिटर पत्रकार पिटुवा पाई लागलपाछे पत्रकार सुरक्षा खोई कहटी प्रहरी प्रशासनहे प्रश्न करल रहिट । उहाँ कहलै पत्रकारउप्पर आक्रमण सिंगो प्रेस स्वतन्त्रताउप्परके आक्रमण रहल बटैटी दोषीहे हलहाली पक्राउ करके कर्बाहीके प्रक्रिया आघे बढैना माग करलै ।

नेपाल पत्रकार महासंघके पूर्व केन्द्रीय सदस्य मनमोहन स्वाँर नेपालमो पछिल्का बार प्रेसउप्पर चरणबद्धरुपमे आक्रमण हुइटी रहना प्रशासनिक निकाय गैरजिम्मेवार बनल बटैलै । उहाँ दोषीहे पक्राउ करे नइसेक्ना प्रहरी प्रशासनके क्षमतामे प्रश्नचिन्ह खडा हुइना बटैलै । .

महासंघके पूर्व केन्द्रीय सदस्य दिलबहादुर छत्याल दोषीहे तत्काल कर्बाही नइकरले आन्दोलनके स्वरुप परिवर्तन कैना बाध्य हुइना बटैलै । घटनाके हाली सुनुवाई करलेसे अन्तर्राष्ट्रि«यकरण करटी कडा आन्दोलनमे उत्रना चेतावनी डेलै ।

कोणसभामे नेपाल पत्रकार महासंघके प्रदेश अध्यक्ष अर्जुन शाह, कैलाली पूर्व अध्यक्षद्धय दिर्घराज उपाध्याय, भरत शाह लगायत पत्रकारउप्पर सुरक्षा तथा प्रेस स्वतन्त्रताके माग करल रहिट । नेपाल पत्रकार पत्रकार महासंघ कैलालीके अध्यक्ष दोषीहे कार्वाही नइहुईटसम आन्दोलन नइरोक्ना बटैलै ।

चोरी आरोपमे भदौ २२ गते पक्राउ परल १९ बरसके रोशन विक शुकके सकारे बिहान प्रहरी थुनुवा कक्षके चर्पीभिटरे झुलल अवस्थामे फेला परल सूचना जिल्ला प्रहरी कार्यालय कैलालीसे डेहल आधारमे दिनेश सञ्चारगृहसे समाचार प्रकाशन करल रहे । समाचारमे हत्याहे आत्महत्या कहिके छापल कहटी १५÷२० जानेक समुह आक्रोशित हुइटी दिनेश सञ्चार गृहमे आक्रमण करल रहिट ।

उहोर जिल्ला प्रहरी कार्यालय कैलालीके एसपी अनुप शमशेर जबरा घटनामे संलग्नहुकनके खोजतलास हुइटी रहल बटैलै ।

जनाअवजको टिप्पणीहरू