बाल संगठनसे आमाको माया छात्रा वासमे टिना वितरण
पहुरा समाचारदाता
धनगढी, २९ भदौ । नेपाल बाल संगठन कैलालीसे राष्ट्रिय बालदिवसके अवसर पारके धनगढीके तारानगमे रहल आमाको माया छात्रावासमे टिना वितरण करले बा । विपदमा बालअधिकारको सुनिश्चिता, हामी सबैको प्रतिबद्धता कना नाराके साथ यी बरसके बालदिवस मनाजैैटी बा ।
नेपालसे संयुक्त राष्ट्रसंघके बालअधिकार सम्बन्धी महासन्धी १९८१ अनुमोदन करल निको अवसरमे दिवस मनाई लागल हो । महासन्धी अनुमोदन हुइल ३० वर्ष पुगल बा । बालदिवसके अवसरमे नेपाल बाल संगठन कैलालीसे आमाको माया छात्रावासमे ४५ केजी आलु, ३५ केजी प्याज ओ एक प्याकेट मास्कवितरण करले बा ।
विपन्न परिवार ओ अभिभावक विहिन २० जाने बालबालिका आमाको माया छात्राबासमे अध्यनरत रहल बाटै । स्थानीय ब्यक्तिके सहयोगमे छात्रावास संचालनमे रहेल बा ।
कोरोनाके कारण छात्रावासमे टिनाके अभाव हुइल ओरसे बालदिवसके अवसरमे टिना वितरण करल नेपाल बाल संगठन कैलालीके अध्यक्ष भुवनेश्वर पन्त बटैलै । बाल संगठन कैलाली हरेक वर्ष विपन्न परिवारके समामुदायिक विद्यालयमे पह्रना विद्यार्थीहुकनहे छात्रवृति समेत वितरण करटी आइल बा ।
बाल संगठन कैलालीसे कैलालीके भजनी बाढसे क्षति पुगाइल ठाउँक प्रभावितहे खाद्यान्न ओ स्वास्थय सामाग्री समेत वितरण करल सचिव नृपबहादुर सुनार बटैलै । विपन्न वर्गमे रहल बालबालिका ओ विपद्मे परलहुकनहे बाल संगठन कैलालीसे सहयोग करटी आइल सचिव सुनार बटैलै ।
