लागु औषध सहित २ जाने पक्राउ

पहुरा समाचारदाता
धनगढी, २९ भदौ । जिल्ला प्रहरी कार्यालय लागु औषध सहित २ जनहनहे पक्राउ करले बा । पक्राउ परलमे धनगढी उप–महानगरपालिका–२ बैठना बर्ष २३ के जीवन खत्री ओ बर्ष २५ के हर्क मल्ल रहल बाटै ।

अँटवारके रोज डोकेबजारसे धनगढी बजार ओर अइटी रहल से ३ प ८५५३ नम्बरके मोटरसाईकलमे नुकाई छिपाके लागु औषध ओसारपसार करटी रहल कना गोप्य सूचनाके आधारमे यी कार्यालयसे खटल प्रहरी टोली त्रिनगरस्थित मोहना पुल लग्गे चेकजाँच कैना क्रममे लागु औषध सहित पक्राउ करल प्रवक्ता प्रहरी नायव उपरीक्षक प्रतिक विष्ट जनैलै ।

मोटरसाईकलके सिट टरे करिया रंगके झिल्लीमे स्पासमो प्रोक्सीभोन प्लस, लिखल ८० ट्याब्लेट लागु औषध बरामद करल प्रहरी प्रवक्ता विष्ट जनैलै ।