चोरी मद्दाके फरार ३ जाने पक्राउ

पहुरा समाचारदाता
धनगढी, २९ भदौ । ईलाका प्रहरी कार्यालय सुख्ड, कैलाली चोरी मुद्दामे फरार तीन जनहनहे पक्राउ करले बा ।

पक्राउ परलमे जिल्ला कैलाली घोडाघोडी नगरपालिका वडा नं. ४ बैठना बर्ष १८ के निराजन चौधरी, बर्ष १८ के दिपेन्द्र चौधरी ओ बर्ष २० के रबिन चौधरी रहल बाटै ।

ओइनहे यिहे भदौ २६ गते घोडाघोडी नगरपालिका वडा नं. ५ डोके बजारसे पक्राउ करल जिल्ला प्रहरी कार्यालय कैलालीके प्रहरी प्रवक्ता प्रहरी नायव उपरीक्षक प्रतिक विष्ट बटैलै ।

कैलाली जिल्ला अदालतसे फैसला हुके चोरी मुद्दाके फरार प्रतिवादी निराजनहे रु. एक लाख चौवन्न हजार जरिवाना ओ १५ दिन कैद, दिपेन्द्रहे सत्तहत्तर हजार जरिवाना ओ १५ दिन कैद, रबिनहे रु. सत्तहत्तर हजार जरिवाना ओ १ महिना कैद तोकल रहे ।

पक्राउ परल तिनु जनहनहे आवश्यक कार्वाहीके लाग जिल्ला अदालतमे पेश करल प्रवक्ता विष्ट जनैलै ।