थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

करिया पट्टी बाँधके प्रशासनमे धर्ना

पहुरा | १ आश्विन २०७७, बिहीबार
करिया पट्टी बाँधके प्रशासनमे धर्ना

पहुरा समाचारदाता
धनगढी, १ कुवाँर ।
सञ्चार गृहमे प्रवेश करके पत्रकारउप्पर कुटपिट करुइयाहे कारबाहीके माग करटी विफेक् रोज जिल्ला प्रशासन कार्यालय कैलालीके मूल गेटमे करिया पट्टी बाँधके धर्ना डेगिल बा ।

नेपाल पत्रकार महासंघ कैलालीसे घोषणा करल डोसर चरणके आन्दोलन अन्तरगत पत्रकारहुक्रे कपार ओ हाठमे करिया पट्टी बाँधके धर्ना डेहल हुुइट ।

धर्नापाछे आयोजित कोणसभाहे सम्बोधन करटी नेपाल पत्रकार महासंघ कैलालीके अध्यक्ष जगत साउँद सञ्चार गृहमे प्रवेश करके पत्रकारहुकन उप्पर कुटपिट करुइयाहुकन कारवाहीके माग कर्लै । उहाँ आक्रमणमे संलग्नहुकन पक्राउ करके कारवाहीके दायरामे नैनानटसम सडक संघर्ष जारी राख्न बटैलै ।

अन्नपूर्ण पोष्टके सुदूरपश्चिम ब्युरो प्रमुख सेमत रहल पत्रकार शिवराज भट्ट समाचारमे असन्तुष्टि रहलेसे कानूनी उपचारके डगर हुइटी हुइटी फेन दिनेश सञ्चार गृहमे करल आक्रमण निन्दनीय रहल बटैटी दोषीहे कारवाहीके दायरामे नानेक पर्ना माग कर्लै ।

नेपाल आदिवासी जनजाति पत्रकार महासंघ कैलालीके अध्यक्ष लखन चौधरी फेन पत्रकारहुकन उप्पर श्रृखंलाबद्ध रुपमे हुइटी रहल आक्रमण विरुद्धके आन्दोलन दोषीहे कारवाहीके दायरामे नैनानटसम जारी रहना बटैलै । उहाँ पत्रकारहुकन स्वतन्त्र रुपमे काम कर्र्ना वातावरण स्थानीय प्रशासनसे बनाइक पर्ना बटैलै ।

नेपाल पत्रकार महासंघके केन्द्रीय पार्षद तथा थारु पत्रकार संघ कैलालीके अध्यक्ष प्रेम चौधरी मिडिया ओ पत्रकारहुकन आक्रमण कर्ना व्यक्ति पक्राउ नैकर्ना प्रहरी प्रशासनके भूमिकाउप्पर समेत आशंका उब्जल बटैलै ।

कैलालीमे प्रेस स्वतन्त्रता हननके घटना बह्रलओरसे पछिल्का समयके घटनाके दोषीहे कानूनी कारवाही करेक पर्ना माग कर्लै ।

आक्रमणमे संलग्नहे पक्राउ करेक पर्र्ना माग करटी पत्रकार महासंघ कैलालीके अगुवाईमे आन्दोलनके कार्यक्रम जारी राखगिल बा । आन्दोलन अन्तरगत आज शुकके रोज फेन जिल्ला प्रशासन कार्यालय आघे सञ्चार सामाग्री सहित धर्ना ओ प्रर्दशन कर्र्ना कार्यक्रम तय हुइल पत्रकार महासंघ कैलालीके कोषाध्यक्ष हिमाल जोशी बटैलै ।

पहिल चरणके आन्दोलनके कार्यक्रम अन्तरगत अट्वारके रोज धनगढीके पार्कमोडसे जिल्ला प्रशासन कार्यालसम ¥याली ओ कोण सभा करगिल रहे । सोम्मारके रोज जिल्ला प्रशासन कार्यालयमे धर्ना डेके मुख्यमन्त्री त्रिलोभन भट्टहे ध्यानाकर्षण पत्र बुझागिल रहे । कलेसे मंगरके रोज आन्तरिक मामिता तथा कानुन मन्त्रालयमे धर्ना डेगिल रहे ।

सञ्चारमाध्यममे आक्रमण कर्ना मध्येके दुई जहनहे प्रहरी पक्राउ करसेक्ले बा दिनेश सञ्चारगृह सार्वजनिक हित विरुद्धके कसुरमे जिल्ला प्रहरी कार्यालयमे शुकके रोज जाहेरी डेले बा ।

जनाअवजको टिप्पणीहरू