थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १७ अगहन २६४६, शनिच्चर ]
[ वि.सं १७ मंसिर २०७९, शनिबार ]
[ 03 Dec 2022, Saturday ]

एक्के दिन २०२० जनहनमे कोरोना संक्रमण

पहुरा | २ आश्विन २०७७, शुक्रबार
एक्के दिन २०२० जनहनमे कोरोना संक्रमण

काठमाडौं, २ कुवाँर । नेपालमे एक्के दिन कोरोना संक्रमितके संख्या २ हजार नाघल बा । स्वास्थ्य तथा जनसंख्या मन्त्रालयके अनुसार पछिल्का २४ घण्टामे ११ हजार ४ सय ५८ ठो पीसीआर परीक्षणमे २०२० संक्रमित भेटल हुइट ।

नेपालमे कोरोना संक्रमितके कुल संख्या ६१ हजार ५ सय ९३ पुगल बा । शुकसम देशभर सक्रिय संक्रमितके संख्या १७ हजार ३८३ जाने रहल बाटै । जेम्ने मन्से संस्थागत आइसोलेसनमे ९ हजार २९५ जाने रहल बाटै । ओ होम आइसोलेसनमे ८ हजार ८८ जाने रहल बाटै ।

पछिल्का २४ घण्टामे कोरोना संक्रमण ठिक हुके ८७१ जाने डिस्चार्ज हुइल बाटै । शुकसम डिस्चार्ज हुइलके संख्या ४३ हजार ८ सय २० जाने पुगल बा ।

संक्रमितमन्से १७३ जाने आईसीयूमे ओ ३६ जाने भेन्टिलेटरमे उपचाररत बाटै । ५ सयसे ढेर संक्रमित हुइल जिल्लामे मोरङ, सिराहा, सुनसरी, ललितपुर, मकवानपुर, चितवन, काठमाडौं, भक्तपुर ओ रुपन्देही रहल बाटै । ओस्टेक शून्य संक्रमित रहल जिल्लामे सोलुखुम्बु, मुस्ताङ, डोल्पा, रसुवा, हुम्ला ओ मुगु रहल बाटै ।

सुदूरपश्चिममे ठप २१ मे कोरोना संक्रमण पुष्टि

सुदूरपश्चिममे ठप २१ जनहनमे कोरोना संक्रमण पुष्टि हुइल बा । पछिल्का २४ घण्टामे सेती प्रादेशिक अस्पतालके प्रयोगशाला ओ डोटी अस्पतालके कोरोना परिक्षण प्रयोगशालामे शुकके करल परिक्षणमे २१ जानेक रिपोर्ट पोजेटिभ आइल हो ।

सेती प्रादेशिक अस्पतालमे करल कोरोना परिक्षणमे कैलालीके ६ जनहनमे कोरोना संक्रमण पुष्टि हुइल बा । धनगढीस्थित सेती प्रादेशिक अस्पतालके कोरोना परिक्षण प्रयोगशालामे करल ६ सय २८ स्वाव परिक्षणमे ६ जनहनमे रिपोर्ट पोजेटिभ आइल अस्पताल जनैले बा ।

अस्पतालके सूचना अधिकारी दिलिपकुमार श्रेष्ठके अनुसार संक्रमण पुष्टि हुइलमे धनगढी उप–महानगरपालिका–१२ के दुई महिला ओ १ पुरुष करके ३ जाने, धनगढी–४ के १ पुरुष ओ टिकापुर नगरपालिका १ के दुई पुरुषमे संक्रमण पुष्टि हुइल बा ।

डोटी अस्पतालके प्रयोगशाला इन्चार्ज शौरभ श्रेष्ठके अनुसार २ सय १२ जानेक स्वब संकलन करलमे अछामके पञ्चदेवल विनायक नगरपालिकाके ८ महिला ओ ७ पुरुषमे पोजेटिभ डेखल बा ।

जनाअवजको टिप्पणीहरू