पत्रकार निर्मला मृत अवस्थामे फेला

पहुरा समाचारदाता
धनगढी, २ कुवाँर । तीन दिनसे सम्पर्क विहिन रहल कैलालीके एक पत्रकार मृत फेला परल बाटी ।

कैलालीके लम्कीस्थित कैलाली एफएममे कार्यरत २३ बरसके पत्रकार निर्मला पहराई आज लम्कीचुहा नगरपालिका–५ स्थित फूलवारी सामुदायिक वनुवामे झुण्डल अवस्थामे मृत भेटल प्रहरी जनैले बा ।

उहाँ भदौ ३१ गते सुख्खड जैना कहिके नेंगल परिवारजन जनैले बा । मृत अवस्थाम भेटल पत्रकारके हत्या हुइल आफन्तके आरोप बा ।

ईलाका प्रहरी कार्यालय सुख्खडके प्रमुख तथा प्रहरी नायव उपरीक्षक सागर बोहरा घटनास्थलमे प्रहरी निरीक्षकके टोली खटाई थप अनुसन्धान हुइटी रहल बटैलै ।