सञ्चार सामग्री सहित प्रशासन कार्यालयमे धर्ना
पहुरा समाचारदाता
धनगढी, २ कँवार । सञ्चारगृहमे प्रवेश कैके पत्रकारहे कुटपिट करुइयाहे कारवाहीके माग करटी जिल्ला प्रशासन कार्यालय कैलालीके मूल गेटमे सञ्चार सामग्री सहित धर्ना डेहल बा ।
नेपाल पत्रकार महासंघ कैलालीके अगुवाइमे पत्रकारहुक्रे सञ्चार सामग्री प्रर्दशन ओ करिया पट्टी बाँधके प्रशासनके मूल गेटमे धर्ना डेहल हुइट ।
धर्नापाछे आयोजित कोणसभाहे सम्बोधन करटी नेपाल पत्रकार महासंघ कैलालीके अध्यक्ष जगत साउँद सञ्चार गृहमे प्रवेश कैके पत्रकारउपर कुटपिट करुइयाहे कारवाहीके माग करलै ।
समाचारके विषयहे लेके गैल शुकके धनगढीके दिनेश सञ्चारगृहमे प्रवेश कैके एक समूह समाचार कक्षमे पत्रकारहे कुटपिट कैनाके साथे कर्मचारीउपर हातपात ओ दुव्र्यवहार करल रहिट ।
आक्रमणमे संलग्नहे पक्राउ कैके कारवाही करे पर्र्ना माग करटी पत्रकार महासंघ कैलालीके अगुवाईमे आन्दोलनके कार्यक्रम जारी राखल बा ।
