उदासीपुर खानेपानीके अध्यक्षमे मानसिंह धामी

पहुरा समाचारदाता
मसुरिया, ३ कुँवार । कैलालीके गौरीगंगा नगरपालिका १० मे रहल गौरीगंगा नपा १० ओ कैलारी गाउपालिके ८ मे क्षेत्र रहल उदासीपुर खानेपानीके लावा उपभोक्ता समिति गठन हुइल बा ।

तीन बरस पहिले गठन समितिसे काम करे नाइ सेकल ओ अब्बे सक्रिय समिति गठन करल बा । जेकर समितिके अध्यक्ष मान सिंह धामी, सचिव देवसिंह बोहरा, कोषाध्यक्ष गौरी कठरियाहे निर्विरोध चयन करल बा । ओस्टके सदस्यमे देव धामी, सुनिता सार्की, मिना चौधरी, दिनानाथ चौधरी, राजा राम चौधरी चयन हुइल बाटै ।

गौरीगंगा नपा १० के वडा अध्यक्ष पदम बहादुर ऐर ओ कैलारी गाउपालिका ८ के वडा अध्यक्ष दुखी राम कठरियाके संयुक्त पहलमे लावा समिति गठन करल हो । अब्बेसम घरघर पानी पुग्ना बेला हो मने पुरान समिति काम करे नाइ सेकके राजीनामा डेहलपाछे लावा समिति अपने पहलमे बनाइल अध्यक्षद्वय बटैले बाटै ।