सहकर्मी बलात्कार आरोपमे प्रशासकीय अधिकृत पक्राउ

पहुरा समाचारदाता
जोशीपुर, ४ कुवाँर । बलात्कारके आरोपमे कैलाली प्रहरी एक जनहनहे पक्राउ करले बा । पक्राउ परुइयामे कैलालीके जोशीपुर गाउँपालिकामे प्रशासकीय अधिकृत भानुभक्त उपाध्याय रहल बाटै ।

एक महिला कर्मचारीहे बलात्कार करल आरोपमे उपाध्यायहे इलाका प्रहरी कार्यालय भजनीके टोली पक्राउ करल कैलालीके डीएसपी प्रतिक बिष्ट जानकारी डेलै । उ महिला उपाध्यायविरुद्ध जाहेरी डेहल रहिट ।

उपाध्यायहे जिल्ला प्रहरी कार्यालय कैलाली नानल डीएसपी विष्ट बटैलै । उपाध्यायविरुद्ध बलात्कार मुद्दा दर्ता करके ठप अनुसन्धान हुइटी रहल प्रहरी जनैलै ।