थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

सेती अस्पतालके परिक्षणमे ३२ मे कोराना पुष्टि

पहुरा | ५ आश्विन २०७७, सोमबार
सेती अस्पतालके परिक्षणमे ३२ मे कोराना पुष्टि

पहुरा समाचारदाता
धनगढी, ५ कुवाँर ।
धनगढी उपमहानगरपालिकाके १४ जाने सहित सेती प्रादेशिक अस्पतालमे करल कोरोना परिक्षणमे थप ३२ जनहनमे संक्रमण पुष्टि हुइल बा ।

पाछेक २४ घण्टामे सेती प्रादेशिक अस्पतालके प्रयोगशालामे करल ३ सय ८ जनहनके स्वाव परिक्षणमे धनगढीके १४ सहित कैलालीके २६, बैतडीके १ ओ कञ्चनपुरके ५ जनहनमे कोरोना संक्रमण पुष्टि हुइल अस्पताल जनैले बा ।

सेती प्रादेशिक अस्पतालसे जारी प्रेस विज्ञप्ति अनुसार धनगढी उप–महानगरपालिका वडा नम्बर १ के १, वडा नम्बर–२ के २, वडा नमबर–३ के ६, वडा नम्बर–१२ के २, वडा नम्बर १७ के २, वडा नम्बर १९ के १ जनहनमे कोरोना संक्रमण पुष्टि हुइल बा ।

ओस्टके सेतीमे करल परिक्षणमे कैलालीके घोडाघोडी नगरपालिका–१ के ६ जाने, भजनी नगरपालिकाके १ जाने, गोदावरी नगरपालिकाके ३ ओ कैलारी गाउँपालिकाके २ जनहनमे संक्रमण पुष्टि हुइल बा ।

सोम्मारके करल परिक्षणमे कञ्चनपुरके कृष्णपुर नगरपालिकाके १ जाने, महाकाली नगरपालिकाके १ जाने, पुनर्वास नगरपालिकाके २ ओ वेदकोट नगरपालिकाके १ जनहनमे संक्रमण पुष्टि हुइल बा ।

ओस्टके बैतडीके सुर्नयाँ गाउँपालिका–४ के १ जनहनमे फेन सोम्मारके करल परिक्षणमे कोरोना संक्रमण पुष्टि हुइल अस्पताल जनैले बा ।

जनाअवजको टिप्पणीहरू